Ekologıa jáne tabıǵı resýrstar mınıstri Erlan Nysanbaevtyń aıtýynsha, Qazaqstanda 800 myń bas kıikti atý usynylǵan, dep habarlaıdy aqshamnews.kz
Bul sheshimge ǵylymı negizdeme resmı túrde alynǵan.
- Búginde biz uıymdastyrý máselelerin qarastyryp jatyrmyz. Bir-eki kúnde naqty sheshimdi jarıalaımyz dep oılaımyn. Ǵalymdar jalpy popýlásıanyń 20%-yn alyp tastaýdy usynyp otyr. Kóktemgi sanaq nátıjesinde resmı kórsetkish – 3 978 000 bas. Demek, shamamen 800 myń bas kıikti atý usynylyp otyr. Jas erekshelikterine baılanysty da irikteý qarastyrylǵan. Qazir daıyndyq jumystary júrip jatyr, – dedi mınıstr.
Mınıstrdiń aıtýynsha, mundaı aýqymdy joıý kezinde et óńdeý máselesi óte mańyzdy. Osyǵan baılanysty elde arnaıy ınvestısıalyq jobalar qarastyrylyp, kıik etin óńdeıtin et kombınattaryn salý jospary pysyqtalyp jatyr.
- Qazirgi tańda alty shaqty kompanıa qyzyǵýshylyq bildirip otyr, – dedi Nysanbaev.
Buǵan deıin Qazaqstan kıik popýlásıasyn qalpyna keltirý úshin aýqymdy jumystar atqarǵan. Alaıda búginde bılik ókilderi men keıbir sarapshylar bul janýarlardyń sany tym kóbeıip, aýyl sharýashylyǵyna, azyq-túlik qaýipsizdigine, tipti adamnyń ózine qaýip tóndirýi múmkin ekenin aıtyp otyr.