Keshe Almaty qalasy Bilim basqarmasynyń basshysy Saıran Saıfedenov qala kolejderiniń túlekteri úshin uıymdastyrylǵan «Profy Marathon 2025» aksıasyna qatysty.
Almaty qurylys-tehnıkalyq kolejinde Qazaqstan Respýblıkasy Prezıdenti Ákimshiliginiń tapsyrmalaryn oryndaý aıasynda jáne “jumysshy mamandar” jylynyń óńirlik is-sharalar josparyna sáıkes iri ımıjdik is-shara – «Profy Marathon 2025» ótti.
İs-sharanyń basty sátteriniń biri megapolıstiń jetekshi kásiporyndarynan memlekettik kolejderdiń 20 úzdik túlekterine jeke sertıfıkattardy saltanatty túrde tabystaý rásimi boldy. Sertıfıkattar stýdentterdiń jetistikterin moıyndaý ǵana emes, sonymen qatar joǵary bilikti mamandarǵa qyzyǵýshylyq tanytqan jumys berýshilerdiń qoldaýynyń sımvoly bolyp tabylady.
Búgingi tańda Almaty kolejderi birqatar tıimdi bastamalardy belsendi túrde júzege asyrýda, sonyń ishinde:
- stýdentterdiń teorıalyq bilimderin óndiriste praktıkalyq oqytýmen ushtastyrýǵa múmkindik beretin dýaldy oqytý;
- -bıznestiń naqty qajettilikterin eskere otyryp qalyptastyrylatyn nysanaly memlekettik bilim berý tapsyrysy;
- túlekterdiń kásibı sheberligi men básekege qabilettiliginiń ósýin yntalandyratyn WorldSkills standarttary boıynsha kóp deńgeıli chempıonattar.
Bul úderisterde negizgi ról oqý prosesiniń tolyqqandy qatysýshylary jáne túlekterdiń keıin jumysqa ornalasýynyń kepili bolatyn jumys berýshiler men áleýmettik seriktesterge tıesili.
«Profy Marathon 2025» maqsaty – tehnıkalyq jáne kásiptik bilim berý júıesiniń bedelin arttyrý, sondaı-aq qoǵamda zamanaýı, suranysqa ıe jáne bolashaǵy zor jumysshy mamannyń turaqty beınesin qalyptastyrý. İs-shara túlekterdiń sátti oqıǵalaryn kórsetýge, olardyń daıyndyǵynyń joǵary deńgeıin jáne jeke motıvasıasyn kórsetýge arnalǵan.
«Profy Marathon 2025» sharasyna 400-den astam túlek, memlekettik organdardyń, bıznes-qaýymdastyqtardyń, qoǵamdyq uıymdardyń jáne BAQ ókilderi qatysty. Bul adamı kapıtaldy damytýǵa jáne qalanyń áleýmettik-ekonomıkalyq damýynyń basymdyqtaryn júzege asyrýǵa baǵyttalǵan bilim berý, memleket jáne bıznes arasynda biregeı dıalog alańyn qurýǵa múmkindik beredi.