Qazaqstanda ajyrasý úshin tólenetin baj 80 myń teńgege deıin ulǵaıady.
Depýtat Berik Beısenǵalıev ajyrasý kezinde tólenetin memlekettik baj salyǵyn májilismender qazirgi 0,3 AEK-ten 20 AEK-ke deıin kóterýdi usynyp otyrǵanyn aıtty, dep habarlaıdy aqshamnews.kz
Onyń aıtýynsha, bul qadam otbasyn saqtap qalýǵa kóbirek múmkindik beredi.
Qalaı bolǵanda da, bul bastamanyń maqsaty – búdjetke aqsha quıý emes. Baj salyǵyn kóterýdi usynǵan depýtattar muny ajyrasý aldynda adamdar bir sát oılanyp, emosıamen emes, salmaqtap sheshim qabyldaýy úshin jasap otyr. Aqyry 1000 teńge tóleısiń be, álde odan 20–30 ese artyq pa – munyń aıyrmasy bar. Osylaısha, ásirese jas otbasylarda oılanyp, sanaly túrde sheshim qabyldaýǵa ıtermeleıdi degen pikir bar, – dedi depýtat májilis kýlýarynda.
Berik Beısenǵalıevtiń ózi ajyrasý kezindegi memlekettik baj odan da qymbat bolýy kerek dep esepteıdi. “Maǵan salsa 20 emes, birden 200 AEK usynar edim” dedi ol.