Almatyda fızıkalyq, psıhıkalyq nemese áleýmettik erekshelikterine qaramastan, barlyq jastar úshin ózin - ózi júzege asyrýdyń teń múmkindikterin qamtamasyz etetin «Árbir adam mańyzdy» áleýmettik jobasyn iske asyrý jalǵasýda.
Bul týraly jobanyń jetekshisi Áejan Keńesov óńirlik komýnıkasıalar qyzmetiniń baspasóz konferensıasynda málimdedi, dep habarlaıdy aqshamnews.kz.
«Bizdiń maqsatymyz - árbir jas adamnyń óz áleýetin ashýǵa, qala ómirine qatysýǵa jáne qoǵamnyń qoldaýyn sezinýge jaǵdaı jasaý», - dep atap ótti Ákejan Keńesov.
Onyń aıtýynsha, joba birden birneshe baǵytty qamtıdy. Olardyń ishinde-áleýmettik ıntegrasıany damytý: ár túrli áleýmettik jáne etnıkalyq toptardyń jastary dıalog pen birlesken bastamalarǵa qatysady, bul tolerantty jáne uıymshyl qoǵamnyń qalyptasýyna yqpal etedi.
Spıker kásiptik jáne ómirlik oqytýǵa erekshe kóńil bólinetinin atap ótti. Jastarǵa eńbek naryǵyna beıimdelýge kómektesetin arnaıy bilim berý baǵdarlamalary ázirlenýde.
Sondaı-aq, joba aıasynda psıhologıalyq qoldaý kórsetiledi.
«Biz jastarǵa senimdilikti sezinýge, kóshbasshylyq qasıetterdi damytýǵa jáne qoǵamdyq jáne volonterlik qozǵalystarǵa qosylýǵa kómektesemiz», - dedi joba jetekshisi.
Onyń aıtýynsha, joba memlekettik qurylymdarmen, úkimettik emes uıymdarmen jáne bıznes ókilderimen seriktestikte júzege asyrylýda, bul turaqty ári tájirıbege negizdelgen qoldaýdy qamtamasyz etedi.