Almatyda ınklúzıvti orta qurýǵa jáne erekshe qajettilikteri bar jastardy qoldaýǵa baǵyttalǵan «Árbir adam mańyzdy» jobasyn iske asyrý jalǵasýda.
Bul týraly Almaty qalasy Jastar saıasaty basqarmasy basshysynyń orynbasary Almaz Keńesbaı óńirlik komýnıkasıalar qyzmetiniń baspasóz konferensıasynda málimdedi, dep habarlaıdy aqshamnews.kz.
Spıkerdiń aıtýynsha, bul jobany memlekettik qoldaý sheshýshi ról atqarady:
«Inklúzıvti baǵdarlamalardy júzege asyrý – bul tek áleýmettik ádilettilik máselesi ǵana emes, sonymen qatar Almatynyń turaqty damýyna baǵyttalǵan memlekettik saıasattyń mańyzdy bóligi».
Ol joba ornyqty ınstıtýsıonaldyq jáne qarjylyq qamtamasyz etý negizinde iske asyrylyp jatqanyn atap ótti: «Memlekettik resýrstar materıaldyq-tehnıkalyq bazany nyǵaıtýǵa baǵyttalýda. Onsyz barlyq jastardyń ózin ózi júzege asyrý múmkindikterine teń qol jetkizýin qamtamasyz etý múmkin emes».
Áleýmettik ıntegrasıaǵa erekshe nazar aýdarylady: erekshe qajettilikteri bar jastardy qoǵamdyq ómirge tartý áleýmettik shıelenis qaýpin azaıtady.
Sondaı-aq, jobanyń barysyna turaqty monıtorıń júrgiziledi:
«Biz tıimdilikti únemi qadaǵalap otyramyz jáne qajet bolǵan jaǵdaıda baǵdarlama aǵymdaǵy qajettilikterge sáıkes keletindeı ózgerister engizemiz», - dep tolyqtyrdy Almaz Keńesbaı.
«Jobanyń mańyzdy bóligi – barlyq deńgeıdegi uıymdarmen ózara is-qımyl: jekemenshik sektordan bastap, bilim berý mekemeleri men úkimettik emes uıymdarǵa deıin. «Bizdiń kózqaras – bul bir rettik bastama emes, Almatyda ınklúzıvti qoǵam qurý strategıasynyń bir bóligi», – dep túıindedi ol.