Bul - oblys ortalyqtaryn qamtýǵa qatysty jasalǵan málimdeme.
Muny Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy Almaty-akshamy.kz QazAqparatqa silteme jasap.
«5G jańa tehnologıa jáne ony aýyldarǵa jetkizý týraly aıtý ázirge erteleý. 5G-men ázirge oblys ortalyqtary men respýblıkalyq mańyzy bar qalalardy qamtý mindeti tur. Bıyl jyl sońyna deıin 600-700 bazalyq stansıa ornatý jospary bar. Biraq 5G aýksıonynda jeńiske jetken operatorlar bul josparlardy ózgertti», - dedi Baǵdat Mýsın.
Mınıstrdiń málimdeýinshe, Astana, Almaty jáne Shymkent qalalarynda 1 myńǵa jýyq bazalyq stansıa ornatylady.
«Óńirlerde jańa tehnologıany qoldaný úshin birneshe bazalyq stansıalar ornatylady. Respýblıka boıynsha operatorlar 2027 jylǵa deıin barlyq oblys ortalyqtaryn qamtýdy josparlaǵan. Degenmen, qazir baılanys operatorlary josparlaryn qaıta qarap, jobany 2026 jyldyń sońyna deıin iske asyrǵysy kelip otyr», - deıdi ol.