Mamandar mundaı aýksıondar Qazaqstanǵa ınvestısıa tartýǵa kómektesetinin aıtady.
Ónerkásip jáne qurylys mınıstrliginiń málimdeýinshe, maýsym aıynda 50 qazaqstandyq ken orny jer qoınaýyn paıdalanýdyń biryńǵaı platformasynda elektrondy aýksıonǵa qoıylady, dep habarlaıdy aqshamnews.kz
MINEX-tiń 15-taý-ken geologıalyq forýmynda mınıstrlik bul ken oryndaryn 25 jylǵa deıingi merzimge lısenzıamen óndirýge beriletinin jetkizdi.
Al shart boıynsha, kompanıa taý-ken jumystarynyń josparyn quryp, ken ornyn ıgerý merzimin kórsetýi kerek. Aýksonǵa AQSH, Eýroodaq jáne Qytaıdan kompanıalar ótinish bildirgen.
Bul – balansta qorlary bar ken oryndary. Biz olardy olja retinde paıdalanamyz. Bul ken oryndarynda altyn, kómir, sırek metaldar, polımetaldar shyǵarylady. Jaqyn arada aqparatty jer qoınaýyn paıdalanýdyń biryńǵaı platformasynda jarıalaımyz. Nysandardy shyǵarǵan soń barlyq nıet bildirýshi aýksıonǵa qatysa alady. Ol úshin qujattardy onlaın tapsyryp, qatysa alady, — dedi Ónerkásip jáne qurylys mınıstrliginiń Jer qoınaýyn paıdalaný departamentiniń dırektory Almas Kóshimov.
Mamandar mundaı aýksıondar Qazaqstanǵa ınvestısıa tartýǵa kómektesetinin aıtady. Al keıbir paıdaly qazbalar jınalatyn oryndar tıisti qujattamanyń bolmaýyna baılanysty áli jarıalanbaǵan.
2024 jyldyń qorytyndysy boıynsha bizde qatty paıdaly qazbalardyń 23 ken orny boldy. Olar alǵash ret memlekettik esepke alyndy. Máselen, altyn týraly aıtsaq, memleketke 20 tonna altyn paıda retinde qosyldy. Sol sekildi jyl saıyn geologıalyq barlaý nátıjesi boıynsha qorlar bekitilip, memlekettik esepke qoıylady jáne ony óndirýge tartady, — dedi ol,.