Árbir azamat bankke nemese mıkroqarjy uıymdaryna ózi barýy mindetteledi.
Sondaı-aq azamattarǵa 24 saǵat ishinde alǵan nesıesinen bas tartý múmkindigi beriledi, dep habarlaıdy aqshamnews.kz
Buǵan deıin Májiliste alaıaqtardan saqtanyp, tutynýshylardyń quqyǵyn qorǵaý máselesi qaralǵan bolatyn. Tanystyrylǵan zań jobasyna sáıkes, klıenttiń qosymsha kelisimin alý kózdeldi. Eger talaptar saqtalmasa, onda bank nemese mıkroqarjy uıymy kredıtti sotqa júginbeı-aq esepten shyǵarýǵa tıis.
Al qarjy uıymdary tarapynan bıometrıalyq sáıkestendirý rásimin buzý, alaıaqtyqqa qarsy talaptardy elemeý jáne klıenttiń jeke derekterin zańsyz qoldaný jaǵdaılarynda, sot arqyly esepten shyǵarý jańa tetigi paıda bolady.