Portýgalıada nebári eki aptanyń ishinde 3,5 myń gektar orman qyzyl jalynǵa orandy. Madeıradaǵy qatty jel órtti sóndirýge kedergisin keltirýde, dep habarlaıdy aqshamnews.kz Euronews-ke silteme jasap.
Orman órti búkil Eýropaǵa taralyp jatyr. Fransıanyń ońtústik-batysyndaǵy Ero departamentinde 350 ga qaraǵaıly orman órtenip, sol mańda demalyp jatqan týrıser kerýenderi men shatyrlaryn qaýipsiz jerge kóshirýge májbúr boldy.
Bıliktiń habarlaýynsha, órt keıinnen baqylaýǵa alynyp, sóndirildi.
Madeıra arhıpelagy araldarynyń birinde úsh jerde ot janyp jatyr. Órt eldi mekenderge jetip, kem degende 160 adam evakýasıalandy.
«Joǵary temperatýra men tómen ylǵaldylyqpen birge jel órtti sóndirýdiń búkil strategıasyna áser etedi. Ásirese otty sóndirý kezinde qıyndyq týǵyzýda», - dedi Madeıra aımaqtyq úkimetiniń prezıdenti Mıgel Albýkerke.