Elimizde balalardy mektepter aýystyrý boıynsha memleket qyzmet avtomattandyryldy.
Endi ata-analar men zańdy ókilder balany bir mektepten ekinshi mektepke aýystyrýdy úıden shyqpaı-aq, eGov.kz portalynda júzege asyra alady. Onda turǵylyqty jeri boıynsha nemese odan tys jerlerde kórsetilgen kez kelgen bilim berý uıymyn tańdaý múmkindigi beriledi, dep habarlaıdy aqshamnews.kz.
Oqý-aǵartý mınıstrliginiń málimetinshe, jańa proses esepten shyǵarý jáne bekitý talondaryn, sondaı-aq jeke is qujattaryn tapsyrýdy qajet etpeıdi. Mektep tańdaǵan kezde oqý tili de kórsetiledi. Sondaı-aq ótinish berýshiniń ótinimdi qaıtaryp alýǵa múmkindigi bar.
Memlekettik qyzmetti alý úshin:
* eGov.kz portalynda tirkeýden ótip, «Bilim» bólimine ótý kerek;
* «Orta bilim» bóliminde «Balalardy mektepten mektepke aýystyrý úshin qujattardy qabyldaý» memlekettik qyzmetin tańdap, qajetti joldardy toltyrý jáne ESQ kómegimen ótinishke qol qoıý qajet;
* qyzmet nátıjesimen Jeke kabınette tanysýǵa bolady.
Aıta keteıik, jańa memlekettik qyzmet túrin QR Oqý-aǵartý mınıstrligi men QR SDIAÓM, «Ahmet Baıtursynuly atyndaǵy «Taldaý» ulttyq zertteýler jáne bilimdi baǵalaý ortalyǵy» AQ jáne «Ulttyq aqparattyq tehnologıalar» AQ birlesip ázirledi.