30 jas qazaqstandyq «Táýelsizdik urpaqtary» grantynyń ıegeri atandy

OKQ-da ótken brıfıńte «Táýelsizdik urpaqtary» jobasynyń jańashyldyǵy men erejeleri týraly aıtyldy. Oǵan QR Mádenıet jáne aqparat mınıstrligi Jastar jáne otbasy isteri komıtetiniń tóraǵasy Qaırat Qambarov, 2022 jáne 2023 jylǵy «Táýelsizdik urpaqtary» grantynyń ıegerleri Jandos Aqtaev jáne Araılym Serikbaı qatysty, dep habarlaıdy aqshamnews.kz.

2021 jyldan bastap «Táýelsizdik urpaqtary» granty Memleket basshysynyń bastamasymen daryndy jastardy memlekettik qoldaý maqsatynda berilip keledi.

Grant mólsheri – 3 mln teńge. Oǵan konkýrstyq negizde 14 jastan 35 jasqa deıingi (34 jyl qosa alǵanda) qazaqstandyqtar úmitker bola alady.

Brıfıń barysynda Qaırat Qambarov volonterlikti qoldaý úshin 2024 jyldan bastap qosymsha «Volonterlik» baǵyty qarastyrylǵanyn aıtty.

Osylaısha, atalǵan grant 6 baǵyt boıynsha beriledi. Onyń ishinde «Ǵylym», «Mádenıet», «Aqparattyq tehnologıalar», «Bıznes», «Medıa», «Volonterlik» baǵyttary bar.

Konkýrsqa ótinimderdi qabyldaý 5 tamyzdan 6 qazanǵa deıin jalǵasady.

Sondaı-aq, «Táýelsizdik urpaqtary» grantynyń ıegerleri óz bastamalary týraly aıtyp berdi.

Mysaly, Jandos Aqtaevtyń jobasy qoljetimdi tilde halyqtyń bazalyq quqyqtyq saýattylyǵyn arttyrýǵa arnalǵan aqparattyq kontent qurý. 

2023 jylǵy «Táýelsizdik urpaqtary» grantynyń ıegeri Serikbaı Araılym grant qarajatyna «Ǵylym» baǵyty boıynsha zamanaýı jasyl agrotehnologıalar paıdalanylǵan «EcoTagam» ınovasıalyq otandyq ekoónimder ortalyǵyn ashty. 

Daryndy jastardyń jańa ıdeıalary men túrli jobalaryn iske asyrý maqsatynda «Táýelsizdik urpaqtary» granty 2029 jylǵa deıin beriledi dep josparlanǵan.