Qazaqstanda 28 qyrkúıek kúni atom salasy qyzmetkerleriniń kúni atap ótiledi. Atom ónerkásibi qyzmetkerleriniń kásibı merekesin bekitý týraly jarlyqqa QR Prezıdenti 2008 jylǵy 12 mamyrda qol qoıdy. Bul sheshim Qazaqstan Respýblıkasynyń 2001 jylǵy 13 jeltoqsandaǵy «Qazaqstan Respýblıkasyndaǵy merekeler týraly» Zańynyń 4-babyna sáıkes qabyldanǵan, dep habarlaıdy aqshamnews.kz
Atom salasy qyzmetkerleriniń kásibı merekesiniń qazaqstandyq merekeler kúntizbesine engizilýi atom ónerkásibiniń eldiń ekonomıkalyq damýyndaǵy mańyzdy rólin kórsetedi. Búgingi tańda atom ónerkásibi Qazaqstanda eń joǵary tehnologıalyq, ǵylymdy qajet etetin jáne tabysty salalardyń biri bolyp tabylady.
Memleket basshysy Qasym-Jomart Toqaev óz Joldaýynda beıbit atomnyń jahandyq tájirıbege súıene otyryp, eń ońtaıly sheshim ekenin atap ótti. Bul másele kúrdeli bolǵandyqtan, ony sheshý kezinde barynsha salmaqty, boljamsyz jáne emosıasyz qaraý qajet.
Prezıdent Qazaqstanda qaýipsiz jáne ekologıalyq taza atom energetıkasyn damytý múmkindigin zertteýdi bir jyl ishinde tapsyrdy. Memleket basshysynyń aıtýynsha, bul másele ınjenerıany damytý, jańa býyn bilikti atom ınjeneri mamandaryn qalyptastyrý turǵysynan da qarastyrylýy tıis.
Atom ónerkásibin damytý týraly aıtqanda, elimizde atom elektr stansıasyn salý máselesin eskermeý múmkin emes. Bul taqyryp qazaqstandyq qoǵamda 20 jyldan astam ýaqyt boıy ózektiligin joǵaltqan joq. Qazaqstanǵa atom elektr stansıasy qajet pe degen suraq kóptegen azamattardy alańdatady, degenmen áli naqty jaýap joq.
Aıta keteıik, jaqynda Vena qalasynda Halyqaralyq atom energıasy agenttiginiń (MAGATE) 65-shi jyl saıynǵy Bas konferensıasynyń sesıasy ótti. Bul is-sharaǵa Qazaqstan ókilderi de qatysty.
MAGATE – BUU júıesiniń halyqaralyq uıymy, «Beıbitshilik jáne damý úshin atom» uranymen jumys isteıdi. Bul uıym ıadrolyq saladaǵy halyqaralyq yntymaqtastyq ortalyǵy retinde áreket etedi. Óziniń memleketter-múshelerimen jáne álemdegi kóptegen seriktesterimen birlese otyryp, agenttik ıadrolyq tehnologıalardy qaýipsiz, senimdi jáne beıbit maqsatta qoldanýǵa járdemdesedi.