Dástúrli túrde qazaqstandyq astyq pen ony qaıta óńdeý ónimderi úshin negizgi ótkizý naryqtary Ortalyq Azıa, Aýǵanstan, Iran jáne Qytaı elderi bolyp qala beredi.
Sonymen qatar, sońǵy úsh jylda QHR-ǵa astyq júkteriniń eksporty 5,7 ese ósti, dep habarlaıdy aqshamnews.kz Aýyl sharýashylyǵy mınıstrligine silteme jasap.
«Qazaqstan temir joly» ulttyq kompanıasynyń derekteri boıynsha aǵymdaǵy jyldyń basynan bastap astyqpen 582 marshrýttyq poıyz qurylyp, jóneltildi: 551 ekspress-poıyz astyq júkterin Qytaıǵa, Túrkmenstanǵa, Iranǵa, Reseıge, Ózbekstanǵa jetkizdi. El boıynsha astyq júkterin marshrýttyq jóneltilimdermen tasymaldaý úshin 31 quram uıymdastyryldy.
2024 jyldyń segiz aıynyń qorytyndysy boıynsha astyqtyń temirjol tasymaly 5,4 mln tonnadan asty, onyń ishinde 4,2 mln tonna eksporttaldy.
Sondaı-aq 2,3 mln tonna astyq óńdeý ónimderi tasymaldandy, bul ótken jyldyń sáıkes kezeńimen salystyrǵanda 17,4%-ǵa artyq. Qaıta óńdeý ónimderiniń eksporty 20%-ǵa 1,8 mln tonnaǵa deıin, al ishki tasymaldar 9%-ǵa 500 myń tonnaǵa deıin ósti.
2024 jyldyń qyrkúıeginde Aqtaý porty arqyly aýyl sharýashylyǵy ónimderin tasymaldaý úsh esege-90 myń tonnaǵa deıin ulǵaıdy. Qazan aıynda 212 myń tonna tasymaldaý josparlanýda.