Almatyda 25 myńnan astam bala tuńǵysh ret mektep tabaldyryǵyn attaıdy
Erejege sáıkes, alty jastaǵy jáne jyl sońyna deıin alty jasqa tolatyn búldirshinder bilim berý uıymdarynyń birinshi synybyna qabyldanady. 1-synypqa qabyldaý egov.kz veb-portaly arqyly júzege asyrylady.
Aıta keteıik, bıyl birinshi synypqa qabyldaýǵa ótinish berý birinshi sáýirden bastalyp, 1-shi tamyzǵa deıin jalǵasty. Búgin ótinish qabyldaýdyń sońǵy kúni. Alaıda, ótinish berip úlgermegen ata-analarǵa alańdaýǵa negiz joq. Barlyq ótinishter jeke qarastyrylady. Al bıyl 1-4 synyptardyń oqýshylary tolyqtaı, sondaı-aq, 5-11 synyptardaǵy áleýmettik az qamtylǵan otbasylardyń balalary mektep asqanasynan tegin tamaqtanady.
«Bilim berý uıymdary ózderiniń shaǵyn ýchaskelerindegi barlyq balalardy qabyldaıdy jáne ata-analar ózderiniń shaǵyn ýchaskelerine qarasty mektepke emes, bos oryn bolǵan jaǵdaıda kez kelgen basqa memlekettik bilim berý uıymyna tirkele alady. Mektepterde oryn sany jetkilikti. Bıyl bilim berý uıymdarynyń barlyq oqýshylary júz paıyz tegin oqýlyqtarmen qasmtamasyz etiledi», - deıdi qalalyq bilim basqarmasy bóliminiń bas mamany Gúlnaz Jotabaeva.