Almatyda 200 myńnan astam turǵyndy úzdiksiz elektrmen qamtamasyz etetin «Almagúl» jańa qosalqy stansıasynyń qurylysy aıaqtaldy, dep habarlaıdy almaty-akshamy.kz
Almatynyń Bostandyq aýdanynda Gagarın men Qojabekov kósheleriniń qıylysynda ornalasqan «Almagúl» qosalqy stansıasynyń qurylysy boıynsha jumystar 100% aıaqtaldy. Sondaı-aq, osy qosalqy stansıaǵa 110 kV elektrmen jabdyqtaýdyń 4,8 km kabeldik jelisin tóseldi.
Bul qosalqy stansıa Almatynyń ońtústik bóligindegi tutynýshylardyń júktemesin azaıtady. Oǵan «Almagúl» shaǵyn aýdany ál-Farabı-Jarokov-Ótepov-Rozybakıev kósheleriniń qıylysynda salynyp jatqan jáne jańa turǵyn úı keshenderi qosylatyn bolady. Seksıalarda kabelderdi qosý jáne tutynýshy júktemelerdi aýdarý jónindegi is-sharalar «AJK» AQ-men júrgiziledi.
Aıta keterligi, qosalqy stansıaǵa qajettilik Bostandyq aýdanynda jappaı, retsiz salynǵan qurylystarǵa baılanysty elektr qýatynyń jıi úzilýine qatysty. Bul máseleni Almaty ákimimen kezdesý barysynda Bostandyq aýdanynyń turǵyndary kóterdi. Erbolat Dosaev osy qosalqy stansıa boıynsha barlyq jumystardy aǵymdaǵy jyldyń shilde aıynyń sońyna deıin aıaqtaýdy tapsyrdy.