Qarapaıym kúndermen salystyrǵanda 2,5 ese kóp.
Búgin, 22 aqpan kúni, megapolıste 266 jup otbasyn qurdy. Bul týraly Almaty qalalyq ádilet departamentiniń baspasóz qyzmetinen málim etti, dep habarlaıdy Almaty-akshamy.kz QazAqparatqa silteme jasap.
Vedomstvo málimetinshe, búgin nekesin qıdyrýǵa nıet bildirgenderdiń sany qarapaıym kúndermen salystyrǵanda 2,5 ese kóp bolǵan.
«Almaty qalasynda ornalasqan segiz AHAJ bólimi jas jubaılarǵa toly. Búgin 266 jup neke qıdyrdy. Bul qarapaıym kúndermen salystyrǵanda 2,5 ese kóp. Bizde kúnine 20-dan 100- ge deıin tirkeıtin. Jas jubaılar osyndaı erekshe úılesken sandary bar kúndi tańdaıdy. Kóp adam 22.02.2022 kúnniń tańǵajaıyp ekenine senimdi. Sondyqtan erekshe nazar aýdarady»,- dep atap ótti departamentten.