Bul týraly Memlekettik qyzmet isteri agenttiginiń keńeıtilgen alqa otyrysynda aıtyldy.
Memlekettik qyzmet isteri agenttiginiń tóraǵasy Darhan Jazyqbaevtyń málimetinshe, ótken jyly agenttik memlekettik apparat qyzmetin ońtaılandyrý, memlekettik qyzmetshilerdiń áleýmettik jaǵdaıyn jaqsartý, memlekettik qyzmetke neǵurlym básekege qabiletti jáne daryndy jastardy tartýǵa baǵyttalǵan birqatar is-sharalardy júzege asyrdy, dep habarlaıdy Almaty-akshamy.kz.
«Agenttik strategıalyq qujattardy, Memleket basshysynyń tapsyrmalaryn, Prezıdent joldaýlarynda qoıylǵan negizgi mindetterdi júzege asyrý boıynsha júıeli jumys istep keledi. 2021 jyly agenttik prezıdenttik jastar kadr rezervine kezekti irikteý ótkizip, qorytyndysynda rezervke 50 adam qabyldandy. Alǵash ret prezıdenttik jastar kadr rezervi 2019 jyly uıymdastyrylyp, 300 maman iriktelgen edi. Qazirgi ýaqytta 350 adamnyń 209-y ıaǵnı 60 paıyzy jumysqa ornalastyryldy», - dedi Darhan Jazyqbaev agenttiktiń keńeıtilgen alqa otyrysynda.