1 033 aýrýhana men emhanany kúrdeli jóndeý josparlanǵan
Densaýlyq saqtaý mınıstrliginiń Investısıalyq jobalar departamenti dırektorynyń mindetin atqarýshy Ámına Jemakısheva Ortalyq komýnıkasıalar qyzmetinde ótken saraptamalyq brıfıńte elimizde salynatyn medısına ortalyqtary týraly aıtty, dep habarlaıdy Almaty-akshamy.kz Zakon.kz-ke silteme jasap.
Eskirgen ınfraqurylymmen jáne ásirese aýyldyq deńgeıdegi medısınalyq-sanıtarlyq alǵashqy kómekke qol jetimdilikpen baılanysty negizgi problemalyq máselelerdi Densaýlyq saqtaý ınfraqurylymyn damytýdyń óńirlik josparlaryn iske asyrý sheńberinde kezeń-kezeńimen sheshý josparlanyp otyr.
«2030 jylǵa deıin Óńirlik damý josparlary aıasynda 972 MSAK nysanyn, aýdandyq, qalalyq jáne oblystyq deńgeılerde 35 jańa aýrýhana salý jáne ashý, sondaı – aq jumys istep turǵan 1 033 aýrýhana men emhanany kúrdeli jóndeý josparlanǵan», - dedi Ámına Jemakısheva.
Investısıalyq jobalar departamenti dırektorynyń mindetin atqarýshy salynǵan nysandar barlyq óńirdegi halyqqa joǵary tehnologıalyq, bilikti, mamandandyrylǵan jáne shuǵyl medısınalyq kómek kórsetýdiń qoljetimdiligin, tıimdiligi men sapasyn arttyrýǵa múmkindik beretinin jetkizdi.
Sonymen qatar «Ár azamat úshin sapaly jáne qoljetimdi densaýlyq saqtaý, Deni saý ult» ulttyq jobasy aıasynda Nur-Sultan jáne Almaty qalalarynda 20 Densaýlyq saqtaý obektisin jáne 2 ǵylymı-ınnovasıalyq ortalyqty salý jáne jańǵyrtý kózdelgen.