2026 jyldan ne kútemiz? Sandardyń sanqılylyǵyna senetin jurt úshin keler jyl qandaı ózgeristermen keletini qyzyq. Aqshamnews.kz tilshisi nýmerologtardyń boljamyn tizip shyqty. Sizdi jańa jylda qandaı jańalyqtar kútip tur? Materıaldan bilińiz.
Parade resýrsynyń málimetinshe, 2026 jyl nýmerologıada "birlikterdiń ámbebap jyly" dep atalmaq. Demek, alda bolatyn ózgerister "1 sanynyń" rýhanı maǵynasymen úılesedi.
1, 10, 19 nemese 28-i kúni týǵandar. Ózińizge senýdi úırenińiz
Osy kúnderi týǵandar úshin 2026 jyl táýekel etip, batyl qadam jasaýǵa qolaıly kezeń bolýy múmkin. Nýmerologıa mamandarynyń paıymdaýynsha, siz "óz-ózińizben" bolǵanda ǵana ózińizdi erkin sezinesiz. "Birlikterdiń ámbebap jyly" bastamashyl, lıder bolýǵa beıim, táýelsiz jandardyń oń janbasyna túspek.
"2026 jyldyń sandarynyń qosyndysy da "birlikke" teń bolyp turǵandyqtan, "birlikter" osy jyly kez kelgen bastamadan qoryqpaǵany abzal", - deıdi mamandar.
2, 11, 20 nemese 29-y kúni týǵandar. Shekarańyzdy bekitińiz
Eger siz osy kúnderi týǵan bolsańyz, kelesi jyly belgili bir qıyndyqtarǵa kezigýińiz múmkin. Nýmerologıada 2 sany (osy kúnderdiń jıyntyq máni - esk.) úılesim men emosıalyq tepe-teńdikke umtylatyn deldal beınesimen baılanystyrylyp aıtylady. Biraq "Birlikter jyly" "ekilikter" úshin de úlken áleýetke ıe. Mamandar óz qalaýyńyz ben qajettilikterińizge kóbirek kóńil bólip, ózgeniń tilegi men sezimin birinshi orynǵa qoımaýǵa keńes beredi.
3, 12, 21 nemese 30-y kúni týǵandar. Talanttaryńyzdy qabyldańyz
Nýmerologtar 2026 jyly siz ózińizge kóbirek senim arta bastaısyz dep boljaıdy. Týǵan kúni 3 sanyna keletin adamdar ádette óte izdenimpaz bolady, biraq keıde túrli qıyndyqtardy eńserýge qabileti jetetinine kúmándanýy múmkin.
"Birlikterdiń ámbebap jyly" sizden táýekel etip, ózińizge senýdi suraıtyn jyl. Jyl boıy jańa ıdeıalar, teorıalar men daǵdylardy synap kórgende, ózińizge kúmándanatyn sátter bolýy múmkin. Alaıda aqyl-oı qabiletińizdi tájirıbede qoldanbasańyz, eń tıimdi joldyń qaısy ekenin eshqashan bilmeısiz", – dep atap ótti mamandar.
4, 13, 22 nemese 31-i kúni týǵandar. Ózgeriske qarsy turmańyz
Osy kúnderi týǵandarǵa nýmerologtar jańalyqqa qarsylaspaı, ony qabyldaýǵa keńes beredi. 4 sanyna "úndesetin" adamdar tabıǵatynan tájirıbege beıim ári jaýapkershiligi joǵary bolady, biraq bul árdaıym jetkilikti emes.
"Birlikterdiń ámbebap jyly" jaılylyq aımaǵynan shyǵýdan qoryqpaıtyndardy qoldaıdy delinedi. Siz ımpúlsıvti áreketterden sekem alýyńyz múmkin, biraq dál sondaı qadam jasaý paıdaly bolýy yqtımal.
"Batyldarǵa baq qonady, sondyqtan bul – jaılylyq aımaǵynan shyǵatyn ýaqyttyń kelgeniniń belgisi", – dep qosady.
5, 14 nemese 23-i kúni týǵandar. Synaqtardan qoryqpańyz
"Bestikter" úshin 2026 jyl ózin-ózi taný jyly bolýy múmkin. Sebebi nýmerologıada 5 sany ózgergishtik pen dınamıkany bildiredi: mundaı adamdar jańa syn-qaterden nemese múmkindikten qashpaıdy. Aldaǵy jyl óz ómirińizdegi ózgeristerge jaýapkershilik alyp, qalaǵan baǵytyńyzdy tańdaýǵa qolaıly kezeń retinde sıpattalady.
Sol sebepti "bestikter" úshin jańa múmkindikter kóp bolýy yqtımal, qaıta-qaıta synap kórýden qoryqpańyz. Múmkin, dál 2026 jyly ózińizdi de, ómirde de nemen aınalysqyńyz keletinin anyq tabarsyz.
6, 15 nemese 24-i kúni týǵandar. Adamdarmen baılanysqa mán berińiz
Osy datada týǵandar óte meıirimdi ári tym sezimtal keletin jandar. Olar úshin seriktestik, dostyq, otbasy qundylyqtary óte mańyzdy. Nýmerologtardyń aıtýynsha, jańa jylda jaýapkershilikti qolǵa alyp, kezdesýge barýǵa, jańa tanystyq ornatýǵa, dos tabýǵa jaqsy ýaqyt bolýy múmkin.
"Jańa tanystyq jańa múmkindikterge jol ashady", - deıdi nýmerologtar.
7, 16 nemese 25-i kúni týǵandar. İshki daýsyńyzdy tyńdańyz
Nýmerologtar osy kúnderi týǵandar 2025 jyly kóp nárse úırengenin jetkizdi. Sondaı-aq, "jetilikter" ómirdiń máni týraly jıi oılanatyn tulǵalar. Sol sebepti bıyl alǵan sabaqtaryńyzdy qorytyndylap, ony kelesi jyly naqty iske jaratýyńyz kerek. Mamandar rýhanı bilimińizdi ózin-ózi jetildirýge baǵyttaýǵa keńes beredi: bul óz jolyńyzdy tereńirek túsinýge kómektesýi múmkin.
8, 17 nemese 26-y kúni týǵandar. Molshylyq týraly jıi oılańyz
Jańa jyldyń energıasy boıynsha 8, 17 jáne 26-sy kúni týǵandar "ne ekse, sony orady" delinedi. Nýmerologıada 8 sany qarjylyq tabys, materıaldyq umtylys jáne rýhanıatpen baılanystyrylady. Sondyqtan keıingi jyldary tepe-teńdik pen ózara jaýapkershilik jaıly rýhanı sabaqtardy meńgerseńiz, kelesi jyly naqty "syı-sıapat" túrinde qaıtarym alýyńyz múmkin.
Bul bálkim qyzmettegi ósim, jetistik nemese basqa da qarjylaı ıgilik bolýy yqtımal.
9, 18 nemese 27-i kúni týǵandar. Toqtamańyz, qaıta baıqap kórińiz
Al toǵyzdyqtar úshin jańa jyl áldeqaıda jeńilirek ótýi múmkin. 2025 jylǵy aýyr synaqtardan keıin 2026 jyl sizdi ashyq, jyly qushaqpen qarsy alady degen boljam bar.
"Senseńiz de, senbeseńiz de, 2026 jyl 2025-pen salystyrǵanda áldeqaıda jeńil bolýy múmkin. Ózińizdi sonshalyqty jalǵyz ári senimsiz sezinbeıtin bolasyz, óıtkeni bul jyldyń energıasy jalǵyzdyqta da, táýelsizdik pen tabandylyqta da ózińizge senimdi bolýǵa kómektesedi. Bul – qaıtadan eńse tiktep, alǵa jyljıtyn jyl bolsyn", – dep túıindeıdi nýmerologtar.