30 elge halyqaralyq reıster qalpyna keltirildi.
Qazaqstannyń Azamattyq avıasıa komıteti ushý geografıasyn keńeıtý boıynsha jumysty jalǵastyrýda, dep habarlaıdy Almaty-akshamy.kz
Pandemıaǵa deıingi deńgeıdegi ishki tasymaldaý kólemi tolyq qalpyna keltirildi jáne asyp tústi (57 baǵyt boıynsha aptasyna 687 reıs).
Aptasyna 477 reıs jıiligimen 108 baǵyt boıynsha 30 elge halyqaralyq reıster qalpyna keltirildi.
Olar: Túrkıa, BAÁ, Ózbekstan, Grýzıa, Tájikstan, Túrkimenstan, Reseı, Qyrǵyzstan, Belarýs, Germanıa, Egıpet, Ońtústik Koreıa, Nıderlandy, Polsha, Armenıa, Ulybrıtanıa, Maldıv araldary, Taıland, Ázirbaıjan, Katar, Kýveıt , Saýd Arabıasy , Mońǵolıa, Úndistan, Iran, Chernogorıa, Italıa, Qytaı, Vetnam, Seıshel araldary.
2022 jyly 6 elmen (Túrkimenstan, Egıpet, Ulybrıtanıa, Mońǵolıa, Iran, Qytaı) halyqaralyq reıster qalpyna keltirildi, aptasyna 25 reıs jıiligimen 10 baǵyt boıynsha 7 elge jańa baǵyttar ashyldy: Italıamen Almaty – Mılan «NEOS» áýe kompanıasymen, Gresıamen Almaty – Iraklıon baǵyty boıynsha «Eır Astana»áýe kompanıasymen, Vetnammen Almaty – Nha Trang jáne Astana – Nha Trang baǵyttary boıynsha «Vietjet Air» áýe kompanıasymen, Kýveıtpen Túrkistan – Kýveıt baǵyty boıynsha «Jazeera Airways» áýe kompanıasymen, Túrkıamen Almaty – Ankara jáne Astana – Ankara baǵytynda «AnadoluJet» jáne Almaty – Ankara «Pegasus Airlines» áýe kompanıasymen, Almaty – Mae baǵyty boıynsha «Air Seychelles» áýe kompanıasymen jáne Reseıdiń qalalaryna Almatydan Sýrgýtqa, Túmenge, Astanadan Sankt-Peterbýrgke reıster «SCAT» áýe kompanıasymen, Almatydan Ashhabadqa «Túrkimenhavaıoldary» áýe kompanıasymen qalpyna keltirdi.
Sondaı-aq, «ashyq aspan» rejımi 2027 jylǵy 26 jeltoqsanǵa deıin (5 jyldyq merzimge) uzartyldy.
2023 jylǵy kóktemgi-jazǵy navıgasıa kezeńinde Astanadan Dohaǵa, Aqtaý men Shymkentten Ankaraǵa, Almaty men Aqtaýdan Medınaǵa, Astanadan Bakýge jáne Shymkentten Dýshanbege reıster ashylady dep kútilýde, Astana, Almaty, Aqtaý, Túrkistan jáne Atyraýdan Ystambulǵa, Astana men Almatydan Antaláǵa, Almatydan Bakýge, Tbılısıge, Phýketke jáne Malege reısterdi ulǵaıtý josparlanýda, Pákistanǵa Almatydan Karachı men Lahorǵa reıster ashý, Úndistanǵa Almaty - Delı baǵyty boıynsha, Qytaıǵa Almaty – Chendý baǵyty boıynsha, Ulybrıtanıaǵa Almaty – London, Almatydan Bodrým, Batýmı Iraklıon, Podgorısa jáne Astanadan Tbılısı men Podgorısaǵa baǵyttary boıynsha oryndalatyn reıster sanyn ulǵaıtý josparlanýda, Astana – Bishkek, Aqtaý – Erevan, Almaty – Samarqand, Shymkent – Kýtaısı baǵyttary boıynsha reıster qaıta bastalady dep kútilýde.
Malaızıalyq loýkost «Air Asia X» áýe kompanıasy 2023 jyldyń kóktemgi-jazǵy navıgasıasynan bastap Kýala-Lýmpýrdan Almatyǵa, «Thai Air Asia» áýe kompanıasy Bangkoktan Almatyǵa reısterdi ashýdy josparlap otyr.
Sonymen qatar, «Air Asia Aviation Group» kompanıasynyń toby Almaty men Astanaǵa reısterdi oryndaý kezinde «aýa erkindiginiń» besinshi dárejesimen Máskeý (Reseı), Ystambul (Túrkıa), Parıj (Fransıa), London (Ulybrıtanıa) jáne Frankfýrt (Germanıa) qalalaryna odan ári ushýlar máselesin qarastyrýda.
«Qeshm Air» áýekompanıasy «aýa erkindiginiń» 5-shi dárejesin paıdalana otyryp, Almaty – Tokıo baǵyty boıynsha reısterdi ashýdy josparlap otyr.
Sondaı-aq, «Eır Astana» áýekompanıasy orta merzimdi perspektıvada Almaty-Tel-Avıv baǵyty boıynsha Izraılge aptasyna 2 turaqty reısti oryndaý máselesin pysyqtaýda.