AQSH-ta «omıkronnyń» jańa túri tez taralýda

Jańa vırýs álemdegi 30-ǵa jýyq memlekette anyqtaldy.

Covid-19 omıkronnyń jańa nusaqasy XBB.1.5 dep atalatyn vırýs AQSH-ta tez tarap jatyr, dep habarlaıdy Almaty-akshamy.kz lenta.ru silteme jasap.

Sońǵy tórt aptada AQSH-ta COVID-19 jaǵdaılarynyń 41 paıyzyn XBB qosalqy túri qurady. Al eki apta buryn bul kórsetkish shamamen 10 paıyzdy quraǵan bolatyn. 

«Omıkronnyń jańa qosalqy túri qanshalyqty juqpaly, osy másele bizdi qatty alańdatady», - dedi epıdemıolog, DDSU qyzmetkeri Marıa van Kerhove. Ol buǵan deıingi vırýstarǵa qaraǵanda, onyń juqpaly ári jasýshada birden kóbeıetinin aıtyp otyr.

«XBB.1.5 vırýsy basqalaryna qaraǵanda tez taraıtynyn kórip otyrmyz. Biraq bizde onyń aýyrlyq dárejesi týraly naqty kórsetkish joq. Sondyqtan biz álem boıynsha osy nusqany juqtyrǵan naýqastardyń málimetterin qarastyramyz», - dep málimdedi.

Aýrýdyń aldyn alý jáne baqylaý ortalyǵynyń málimeti boıynsha, bul shtamnyń juǵýy sońǵy aptalarda 4%-dan 41%-ǵa deıin artyp ketken. Qazir ǵalymdar omıkronnan keıin mýtasıalanǵan birneshe vırýsty zerttep jatyr. Biraq osy HVV.1.5 basqa shtamdarǵa qaraǵanda kóp ózgergenin aıtady. Sondyqtan vaksına men antıdeneniń áseri bolmaýy múmkin.