Respýblıka boıynsha jel kúsheıip, soltústik-batysta, soltústikte tuman túsedi.
«Qazgıdromet» mamandary 15 sáýirge arnalǵan aýa raıy boljamyn usyndy, dep habarlaıdy Almaty-akshamy.kz.
Sınoptıkterdiń málimeti boıynsha, sıklonnyń áserine baılanysty elimizdiń ońtústiginde, ońtústik-shyǵysynda frontaldy bólikterdiń ótýine baılanysty jaýyn jaýyp, naızaǵaı oınaıdy.
«15 sáýirde Qazaqstannyń ózge óńirlerindegi kún raıyna antısıklon jotasy áser etip, kún ashyq bolady. Respýblıka boıynsha jel kúsheıip, soltústik-batysta, soltústikte tuman túsedi. Kúndiz Almaty oblysynyń taýly aýdandarynda naızaǵaı oınap, oblystyń soltústigi men shyǵysynda jel 18-23 m/s jyldamdyqpen soǵady. Kúndiz Jalańashkól aýdanynda jeldiń ekpini 28 m/s deıin jetedi», - delingen «Qazgıdromet» RMK habarlamasynda.