Mamandar Talǵarǵa bardy
QR Aýyl sharýashylyǵy mınıstrligi Talǵar qalasynda ıttiń ólekseleri bar 15 qaptyń tabylýyna qatysty túsinik berdi, dep habarlaıdy Almaty-akshamy.kz QazAqparat-qa silteme jasap.
«Almaty oblysyndaǵy jaǵdaı boıynsha bizdiń mamandar Talǵarǵa bardy. Olar ákimdikpen birlesip jumys istep jatyr. Ólekseler talapqa saı joıylyp, materıal polısıaǵa berildi. Kináliler tıisti jazasyn alady», - dedi QR Aýyl sharýashylyǵy mınıstriniń orynbasary Rústem Qurmanov Ortalyq komýnıkasıalar qyzmeti alańynda ótken baspasóz máslıhatynda.
Onyń aıtýynsha, janýarlardy qorǵaýǵa arnalǵan zań aıasynda tıisti aktiler qabyldandy. Sol sıaqty bıologıalyq qaldyqtardy joıý atalǵan vedomstvomen kelisildi.
Aıta ketsek, buǵan deıin Almaty oblysy Talǵar qalasynda 15 qapqa salynǵan ıtterdiń óleksesi tabylǵany týraly aqparat taraǵan edi.
Rústem Qurmanov búgingi brıfıń barysynda, sondaı-aq elimizde veterınarıa salasyn reformalaýdyń jol kartasy bekitilgenin málim etti. Budan bólek, veterınarıa qyzmetin ákimdikterden mınıstrlik quzyretine qaıtarý máselesi, veterınar dárigerlerdiń jalaqysyn kóterý sharalary aıtyldy.