«Qazgıdromet» sınoptıkteri 11 tamyzǵa arnalǵan aýa raıy boljamyn usyndy, dep habarlaıdy almaty-akshamy.kz
Sıklon jáne onymen baılanysqan atmosferalyq fronttar respýblıkanyń soltústigi, shyǵysy men ońtústik-shyǵysyndaǵy aýa raıyna áser etedi.
Osyǵan baılanysty soltústikte jáne soltústik-shyǵysta qatty jańbyr jaýady, jekelegen aýdandarda naızaǵaı jarqyldap, burshaq jaýady. Keı jerlerde tuman túsedi.
Elimizdiń qalǵan óńirlerinde aıtarlyqtaı jaýyn-shashyn joq, kún ashyq bolady. Batys aýdandarda aptap ystyq saqtalady.
Respýblıka boıynsha keı jerlerde jel kúsheıedi.
Soltústik Qazaqstan, Pavlodar oblystarynyń keı jerlerinde naızaǵaı, burshaq pen tuman kútiledi. Jel qarqyny 15-20 m/s deıin kúsheıedi.
Qostanaı oblysynyń keı jerlerinde kún kúrkirep, tuman túsedi. Jel ekpini - 15-20 m/s.
Aqmola oblysynyń keı jerlerinde naızaǵaı oınaıdy, burshaq jaýady. Sekýndyna 15-20 metr jyldamdyqpen jel soǵady.
Jambyl oblysynda shańdy daýyl kóteriledi. Kúndiz Qyzylorda, Batys Qazaqstan oblystarynyń keı jerlerinde jel qarqyny 15-20 m/s jetedi.
Aqtóbe oblysynyń keı jerlerinde, Almaty oblysynyń taýly aýdandarynda naızaǵaı boljanady.
Shyǵys Qazaqstan oblysynyń keı jerlerinde kún kúrkireıdi. Jeldiń kúshi - 15-20 m/s tóńireginde.
Kúndiz Atyraý oblysynda óte qatty ystyq saqtalady.
Mańǵystaý, Batys Qazaqstan oblystarynyń basym bóliginde qatty ystyq, keı jerlerinde de aptap ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Almaty, Qaraǵandy, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.