Eldiń bas sanıtar dárigeri qol qoıǵan jańa qaýlyda tumaý, JRVI jáne COVID-19 ınfeksıasynyń taralmaýyna baǵyttalǵan, dep habarlaıdy aqshamnews.kz
15 qyrkúıekte elimizde tumaýǵa qarsy vaksına salý bastalady. Medısınalyq uıymdarda dezınfeksıa rejımi kúsheıtiledi.
Sondaı-aq 1 qazannan bastap medısınalyq uıymdardyń medısına qyzmetkerlerine maska taǵý rejımi engiziledi.
Tumaý, JRVI jáne COVID-19 belgileri bar júkti áıelder men 1 jasqa deıingi balalarǵa úıde shaqyrýlarǵa birinshi kezekte qyzmet kórsetiledi.
Balabaqshalarda tańerteń balalardyń jaǵdaıy tekseriledi. Sol kezde tumaý, JRVI jáne COVID-19 belgileri bar balalar toptan oqshaýlanady.
Jalpy bilim berý uıymdarynda bir ınkýbasıalyq kezeń ishinde bir synyptaǵy oqýshylar arasynda 20-dan 30%-na deıin JRVI aýrýy tirkelgen kezde kabınette oqytý júıesi toqtatylady jáne kúntizbelik 10 kún ishinde synyptarǵa jańa balalardy qabyldanýǵa tyıym salynady, – delingen qaýlyda.
Qaýly qol qoıylǵan kúnnen bastap kúshine enedi.