Almatyda «Halyq qatysatyn byudjet» baǵdarlamasy arqyly qalanyń ınfraqūrylymyn jaqsartu jobalary qarqyndy júzege asuda. Būl baǵdarlama ár tūrǵynǵa óz audanynyń damuyna tíkeleı úles qosuǵa múmkíndík beredí. Nátıjesínde Almaty ómír súruge qolaıly, jaıly qalaǵa aınalyp keledí.
Almaly audanynyń kóríktendíru bólímíníń bas mamany Kerímhan Abdramannyń aıtuynsha, Shevchenko kóshesí, 157-úıdíń aulasy bírneshe aıdyń íshínde jańartyldy.
– Bízge qala tūrǵyny júgíndí. Ol qart árí nauqas anasymen aulada júrudíń qolaısyz ekenín aıtty. Óz ūsynysyn jetkízgennen keıín basqa da tūrǵyndardan píkírler tústí. Sodan soń joba budget.open-almaty.kz portalynda maqūldau men dauys beru kezeńínen óttí. Komıssıyanyń sheshímímen ūsynylǵan joba júzege asty. Osydan keıín túrlí jastaǵy balalarǵa arnalǵan oıyn alańdary ornatyldy. Būdan bólek asfalt tóselíp, kír jaıǵysh oryn jasaldy, shamdar ornatyldy. Qazír mūnda keshke deıín balalar oınap júredí. Ásírese erekshe jasalǵan kedergíler jolaǵy balalarǵa qatty ūnaıdy, – dedí spıker.
Onyń aıtuynsha, Almaly audanynda «Halyq qatysatyn byudjet» jobasyna barlyǵy 755 ótíním men ūsynys túsken.
– Sonyń 426-sy dauys beruge shyǵarylyp, 45 joba júzege asyrylatyn bolyp tańdaldy. Sonyń íshínde osy aula da bar. Merdíger ūıym jobanyń bastamashysymen arnaıy sóılesíp: «Óz aulańyzda není kórgíńíz keledí?» – dep sūrady. Barlyq másele naqtylanyp, kelísílgennen keıín qajettí jūmystar atqaryldy. Onyń nátıjesín endí mańaıdaǵy tūrǵyndar baǵalaı alady, – dedí Kerímhan Abdraman.
Joba bastamashysy Sabyr Nábıev te auladaǵy jayau júrgínshí jolyn asfalttap berudí sūrap, ákímdíkke júgíngen:
– Būryn júruge onsha qolaıly emes edí, al qazír jańarǵan balalar alańqaıyn kóríp otyrmyz. Mūnda qoqys jáshíkterí auystyrylyp, yńǵaıly oryndyqtar qoıyldy. Keshkísín balalar oınaıdy, jasóspírím qyzdar alańda bı úıreníp júr. Bılíkke óz ūsynysyńdy beruge bolatynyn bílgende, tūrǵyndardyń barlyq tílegín eskeruge tyrystym, keıín kórshíler de qosyldy. Sóıtíp aulamyz nebárí bírneshe aıdyń íshínde ózgeríp shyǵa keldí, – dedí ol.
Osy alańda 5 jasar ūly Adammen bírge júrgen jergílíktí tūrǵyn Salvı Asmanova da būl jerdíń juyrda balasynyń eń súıíktí oınaıtyn ornyna aınalǵanyn aıtty:
– Bíz mūnda kúnde kelemíz. Adamǵa barlyq oıyn qūrylǵylary ūnaıdy, ásírese eptílíktí damytatyn kedergíler jolaǵy qatty qyzyqtyrady. Balalar quana oınaıdy, al būl úılerdíń tūrǵyndary aulamyzdyń ózgergeníne rıza. Eresekter úshín de būryn jetíspeıtín oryndyqtar qoıyldy. Endí ata-analarǵa yńǵaıly, alysqa barmaı-aq, qasynda otyryp seruendeı alady.
Sońǵy ózgeríster bolǵan oryndardyń bírí – Almaly audanyndaǵy Qarasaı batyr kóshesíndegí, Abylaı han men Nauryzbaı batyr kósheleríníń arasyndaǵy shaǵyn sayabaq.
Endí būl aumaqta jaıqalǵan kógal kóz quantady. Avtosuaru júıesíníń arqasynda otyrǵyzylǵan būtalar men basqa da jasyl jelek qurap qalmaıdy. Sondaı-aq tas tóselíp, jaryq shamdary jańartyldy, kóleńkede otyryp demalǵysy kelgen tūrǵyndarǵa yńǵaıly oryndyqtar qoıyldy.
Aıgerím men Aıman kúnde osynda jūmysyna qatynaıdy, túskí úzílíste seruendeıdí.
– Bíz osy mańda ísteımíz, – dedí jolyqqan qyzdar. – Jóndeuden keıín mūnda júru áldeqaıda qolaıly árí jaǵymdy boldy. Endí būl alleyamen júrgenníń ózí kóńíldí, yńǵaıly árí tez. Oryndyqqa otyryp tynyǵuǵa, dostarmen kezdesuge múmkíndík jasalǵan. Eshqandaı qolaısyzdyq joq, bárí jaqsy demaluǵa jaǵdaı jasaıdy.
«Halyq qatysatyn byudjet» baǵdarlamasy ayasynda Bostandyq audanynda «Orbıta-3» jáne «Orbıta-4» shaǵynaudandaryndaǵy balalar alańqaılary retke keltíríldí, aulalar abattandyryldy, alty kóshede tehnıkalyq trotuar salyndy.
Kommunaldyq sharuashylyq bólímíníń basshysy Ūlan Qūttymbetovtíń aıtuynsha, «Halyq qatysatyn byudjet» baǵdarlamasy ayasynda «Orbıta-4» shaǵynaudanynda, 6-shy jáne 7-shí úılerdíń arasyndaǵy jayau júrgínshíler aımaǵyna aǵymdaǵy jóndeu jūmystary júrgízíldí.
Bostandyq audany ákímíníń apparaty (JShS «NıKonstroı») 2024 jylǵy 23 shíldede «Orbıta-4» shaǵynaudanynda jayau júrgínshíler aımaǵyn abattandyru jūmystaryn bastady. Jobanyń maqsatqa saı boluy kópqabatty úı tūrǵyndary úshín jaıly ómír súru jaǵdaıyn jasau qajettílígímen túsíndíríledí.
Aumaqty abattandyru, oıyn alańdary men sporttyq qūral-jabdyqtardyń, demalys aımaqtarynyń kóbeyuí tūrǵyndardyń kúndelíktí ómírín aıtarlyqtaı túrlendíríp, adamdardyń ómírlík belsendílígín qalyptastyrady.
Joba ayasynda 1817 sharshy metr bruschatka, 1704 sharshy metr asfalt jabyndysy, 840 sharshy metr rezeńke jabyndy tóseldí, 175 p.m gabıon salyndy, 42 syrtqy jaryqtandyru tíregí, shahmat ústelí, jattyǵu jáne balalar alańy, vorkaut aımaǵy ornatyldy. Aıta ketu kerek, búgínde barlyq jūmystar tolyq ayaqtaldy, – dep atap óttí Ūlan Qūttymbetov.
«Orbıta» shaǵynaudanynyń tūrǵyny Serík Nūrbekov osy audanda 20 jyldan astam uaqyt tūrady jáne HQB jobasynyń júzege asuyna qatysty óz oıymen bólístí.
– Aulamyzdy «Halyq qatysatyn byudjet» baǵdarlamasy ayasynda abattandyrǵandaryńyz úshín alǵys aıtqym keledí. Qazír áldeqaıda jaıly árí qauípsíz boldy – jańa oryndyqtar, jaryq shamdary, balalar alańqaıy ornatyldy. Aulamyz jandandy, balalar oınap júr, qarttar oryndyqta demalyp otyr. Tūrǵyndardyń ótíníshíne nazar audaryp, naqty ózgeríster jasaǵandaryńyzǵa raqmet! Osyndaı jobalar aldaǵy uaqytta da jalǵasyn tabady dep úmíttenemín, – dedí tūrǵyn.
Abattandyruǵa qatysty píkírín «Orbıta» shaǵynaudanynda tūratyn almatylyq Valerıya Kım de bíldírdí.
– «Halyq qatysatyn byudjet» baǵdarlamasy boıynsha aulamyzdy abattandyrǵandaryńyz úshín úlken raqmet! Būl jer kópten berí jóndeudí qajet etíp tūrǵan edí, óıtkení «Orbıta» – qalanyń eskí shaǵynaudandarynyń bírí, ony retke keltíru kerek bolatyn. Qala bılígíníń bízdí estíp, almatylyqtardyń jaıly ómír súruí úshín bar jaǵdaıdy jasap jatqany quantady. Endí bízde tamasha balalar alańqaıy bar – balalar quana oınaıdy, bárí qauípsíz árí yńǵaıly ekeníne kóńílím toq. Lavochkalar qoıylyp, jaryq shamdary ornatyldy, aulamyz áldeqaıda jaıly boldy. Mūndaı ózgeríster shynymen de ómírímízdí qolaıly ete túsedí, – dedí tūrǵyn azamatsha.