پرەزيدەنت تاپسىرماسى: ايتىلدى – ورىندالدى
ءبىز اشىق باسەكەلەستىك ورنىققان جانە بارىنە تەڭ مۇمكىندىك بەرىلەتىن ادىلەتتى قازاقستاندى قۇرىپ جاتىرمىز...
ءبىزدىڭ بۇگىنگى باستامالارىمىز قازاقستاننىڭ بولاشاعىن ايقىندايدى. ءبىز كۇن سايىن ەسكى مەن جاڭانىڭ، توقىراۋ مەن دامۋدىڭ اراسىنان تاڭداۋ جاسايمىز. بارشاڭىزدى ۇلت مۇددەسى ءۇشىن ۇيىسۋعا شاقىرامىن. ءبارىمىز بىرلىگىمىزدى بەكەمدەي بىلسەك، ەشقاشان ادىلدىكتەن اتتاماساق، بەرەكەلى ەل بولامىز.
قاسىم-جومارت توقايەۆ.
مەملەكەت باسشىسىنىڭ جىل سايىنعى قازاقستان حالقىنا ءداستۇرلى جولداۋلارىنداعى ءاربىر باستاماسى ەلىمىزدىڭ الەۋمەتتىك-ەكونوميكالىق دامۋىنىڭ نەگىزگى باسىمدىقتارى مەن جاڭا رەفورمالاردىڭ باستى باعدارلارىن ايقىنداپ تۇر. قاسىم-جومارت توقايەۆ ەلىمىزدىڭ ەگەمەندىگىن جانە جەرىمىزدىڭ تۇتاستىعىن ساقتاۋدى وسى جولداعى ايرىقشا مىندەت رەتىندە اتادى. «ەلدىگىمىزدى قورعاۋدىڭ ەڭ باستى جولى – بەرەكەلى بىرلىك. بۇدان باسقا جول جوق. ەل بىرلىگى قاشاندا ەڭ باستى قۇندىلىق سانالعان». پرەزيدەنت تاپسىرمالارىنىڭ جۇيەلى ءارى ناقتى ورىندالۋى – الەۋمەتتىڭ ادىلەتتى قازاقستان قۇرۋعا دەگەن بەكەم سەنىمىن قالىپتاستىرارى ءسوزسىز. سەنىم بار جەردە قولداۋ بار!
ادىلەتتى قازاقستان يدەياسى
ونىڭ تۇپكى ءمانى – ەلدى ىزگى ماقساتقا جۇمىلدىرۋ
جاڭا قوعامعا ۇمتىلعان قازاقستاندىقتاردىڭ جالپىۇلتتىق رەفەرەندۋمدا ساياسي جاڭعىرۋ باعدارىن قولداۋى وسى تۇجىرىمىمىزدىڭ ايقىن ايعاعى. پرەزيدەنت ۇسىنعان كونستيتۋسيالىق رەفورما ونىڭ ادىلەتتى قازاقستاندى قۇرۋ باستاماسى جولىنداعى اسا ماڭىزدى قادام بولدى. ەلىمىزدە ىسكە اسىرىلىپ جاتقان ساياسي جاڭعىرۋلار مەن ەكونوميكالىق وزگەرىستەر ءۇردىسىن كوزبەن كورىپ، سارىۋايىم كۇدىكتەن، كۇپتى كوڭىلدەن ارىلعان حالىق بارشاعا تەڭ مۇمكىندىككە جولاشار جاڭا قوعامعا بەتبۇرىستى دۇرىس قابىلداپ جاتىر.
بۇل رەتتە، پرەزيدەنت ايتقانداي، «حالىق ۇنىنە قۇلاق اساتىن مەملەكەت» قاعيداسىن ۇستانۋ اسا ماڭىزدى. ءبىز قوعامعا ىرىتكى سالۋدى ەمەس، ەلدى ىزگى ماقساتقا جۇمىلدىرۋدى ويلاۋىمىز كەرەك. ادىلەتتى قازاقستان يدەياسىنىڭ تۇپكى ءمانى – وسى.
ادام قۇقىقتارىن قورعاۋ سالاسىندا پرەزيدەنت اماناتتاعان جۇمىستاردىڭ بارلىعى جاڭاشا سيپاتقا يە بولدى. «ءبىز «ازامات – بيزنەس – مەملەكەت» اراسىنداعى قاتىناستى تۇبەگەيلى وزگەرتەمىز. مەملەكەت، ەڭ الدىمەن، بارىنە ءبىردەي مۇمكىندىك بەرىپ، ادىلدىك ورناتادى. قوعام يگىلىگىنە ارنالعان قىزمەت دەڭگەيى جوعارى بولۋىنا كەپىلدىك بەرەدى. الەۋمەتتىك جاعىنان ءالسىز توپتاعى ازاماتتارعا قولداۋ كورسەتەمىز. مۇمكىندىگى شەكتەۋلى جاندارعا دا كومەكتەسەمىز.مەملەكەت ەكونوميكالىق ەركىندىكتى قولدايدى. ءبىراق حالىقتى نارىق تۇراقسىزدىعىنىڭ ىقپالىنان بارىنشا قورعايدى. شاعىن جانە ورتا بيزنەستى مەيلىنشە دامىتادى»، – دەگەن ەدى مەملەكەت باسشىسى. ايتىپ قانا قويعان جوق، وسىناۋ كۇردەلى ماسەلەلەردى شەشۋدىڭ ناقتى جولدارىن ۇسىندى. بۇلار – نەگىزگى ماقسات – ساپالىق جانە ينكليۋزيۆتىك تۇرعىدان حالىقتىڭ ءال-اۋقاتىن ارتتىرۋدى كوزدەيدى! قاسىم-جومارت توقايەۆ تۇجىرىمداعانداي، «ەلىمىزدىڭ باستى قۇندىلىعى – ادام. بۇل – ايقىن نارسە. سوندىقتان ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى. ۇلت ساۋلىعى جاقسى بولسا عانا، قوعام ورنىقتى داميدى».
قازاقستان پارلامەنتاريزمى ينستيتۋتىنىڭ جاڭا ساياسي ناۋقانى قارساڭىندا ءبىز وقىرماندارىمىزدى 2019–2022 جىلدار كەزەڭىندە قولعا الىنعان رەفورمالار مەن پرەزيدەنت باستامالارىن ىسكە اسىرۋ جونىندەگى ءبىرقاتار اقپاراتتار لەگىمەن تانىستىرماقپىز. وسى ماقساتتا مەملەكەت باسشىسى قاسىم-جومارت توقايەۆ بيلىككە كەلگەن 2019 جىلعى 19 ناۋرىزدان بەرى ءتورت جىلداي كەزەڭدە ەلىمىزدە قانداي وزگەرىستەر بولعانىن، ءار جولداۋداعى پرەزيدەنت تاپسىرمالارىنىڭ ورىندالۋ ناتيجەلەرىن زەردەلەدىك. سونىمەن...
ەكىنشى پرەزيدەنت ەل تىزگىنىن ۇستاعان كەزەڭنەن بەرى نە ىستەلدى؟
مەملەكەت پەن ۇلت مۇددەسى جولىندا قانداي جۇمىستار اتقارىلدى؟
2019 جىل
ميكرو جانە شاعىن بيزنەس كومپانيالارى تابىس سالىعىن تولەۋدەن ءۇش جىلعا بوساتىلدى. ولارعا قاتىستى تەكسەرۋلەر ءجۇرگىزۋگە ءۇش جىلدىق موراتوريي ەنگىزىلدى؛
قازاقستان ازاماتتارىنىڭ بورىش جۇكتەمەسىن ازايتۋ جانە ءومىرلىك قيىن جاعدايعا تاپ بولعان ازاماتتارعا كومەك كورسەتۋ ماقساتىندا قازاقستان رەسپۋبليكاسىنىڭ پرەزيدەنتى «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ شارالارى تۋرالى» جارلىققا قول قويدى.
قاراماعىنداعىلاردىڭ سىبايلاس جەمقورلىعى ءۇشىن باسشىلاردىڭ دەربەس جاۋاپكەرشىلىگى ينستيتۋتى ەنگىزىلدى.
ايەلدەرگە قاتىستى تۇرمىستىق زورلىق-زومبىلىق ءۇشىن جاۋاپكەرشىلىك كۇشەيتىلدى؛
پەداگوگتاردىڭ جالاقىسىن كوتەرۋدى، ولاردى ءتان ەمەس فۋنكسيالار مەن تەكسەرۋلەردەن بوساتۋدى؛ ولاردىڭ الەۋمەتتىك مارتەبەسىن ارتتىرۋدى، ەل الدىنداعى جەتىستىكتەرى مەن سىڭىرگەن ەڭبەگى ءۇشىن مەملەكەتتىك ناگرادالارىن بەكىتۋدى جانە سىياقى تولەۋدى، ءتۇرلى قوسىمشا اقىلار مەن دەمالىس ۇزاقتىعىن ارتتىرۋدى كوزدەيتىن «پەداگوگ مارتەبەسى تۋرالى» زاڭ قابىلداندى؛
ءبىلىم مەن عىلىمدى دامىتۋدىڭ 2025 جىلعا دەيىنگى مەملەكەتتىك باعدارلاماسىنا قالالىق جانە اۋىلدىق مەكتەپتەر اراسىنداعى ءبىلىم بەرۋ ساپاسىنداعى الشاقتىقتى ازايتۋ شارالارى ەنگىزىلدى؛
اۋىل شارۋاشىلىعى جەرلەرىن پايدالانۋدىڭ عارىشتىق مونيتورينگى ىسكە اسىرىلدى.
2020 جىل
«قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ قابىلداندى، ول ميتينگىلەر وتكىزۋگە رۇقسات الۋ ءراسىمىن جەڭىلدەتتى، ولاردى ەلدىمەكەندەردە ءوتكىزۋ ءۇشىن ارنايى ورىنداردى بەلگىلەدى جانە ۇيىمداستىرۋشىلار مەن قاتىسۋشىلاردىڭ قوعامدىق قۇقىقتىق ءتارتىپتى ساقتاۋ ءۇشىن جاۋاپكەرشىلىگىن كۇشەيتتى؛
1 قاڭتاردان باستاپ پەداگوگتاردىڭ، مادەنيەت جانە مۇراعات قىزمەتكەرلەرىنىڭ جالاقىسى، سونداي-اق الەۋمەتتىك قىزمەتكەرلەردىڭ جالاقىسى ارتتىرىلدى. بۇل وسۋلەر ورتا ەسەپپەن 30%-دى قۇرادى.
27 تامىزدا جاڭا 2025 جىلعا دەيىنگى ازاماتتىق قوعامدى دامىتۋ تۇجىرىمداماسى بەكىتىلدى، وندا ۇەۇ ءرولىن كۇشەيتۋ، كوپپارتيالىقتى، پىكىرلەر ءپليۋراليزمىن جانە ساياسي باسەكەلەستىكتى دامىتۋ كوزدەلگەن؛
ەكونوميكانىڭ زارداپ شەككەن سالالارىندا ميكرو-، شاعىن جانە ورتا كاسىپكەرلىك كرەديتتەرى بويىنشا جىلدىق 6%-عا دەيىن پايىزدىق مولشەرلەمەلەردى سۋبسيديالاۋ تەتىگى ەنگىزىلدى؛
پاندەمياعا بايلانىستى 2020 جىلدىڭ سوڭىنا دەيىن شوب سۋبەكتىلەرى مەملەكەتتىك جانە كۆازيمەملەكەتتىك ۇيىمداردىڭ مەنشىگىندەگى جىلجىمايتىن مۇلىك وبەكتىلەرى بويىنشا جالداۋ تولەمدەرىنەن بوساتىلدى؛
كەزەكتە تۇرعاندار ءۇشىن تۇرعىن ءۇيدى جالداۋ اقىسىن سۋبسيديالاۋ تەتىگىن ەنگىزۋ بويىنشا جۇمىس ءجۇرگىزىلۋدە. اۋىلدا ءوز قىزمەتكەرلەرى ءۇشىن تۇرعىن ءۇي سالۋ كەزىندە جۇمىس بەرۋشىلەردىڭ شىعىندارىن سۋبسيديالاۋ تەتىگى ەنگىزىلۋدە.
1 قاڭتاردان ءمامس ەنگىزۋ باستالدى؛
«تاريحي-مادەني مۇرا نىساندارىن قورعاۋ جانە پايدالانۋ تۋرالى» زاڭ كۇشىنە ەندى. ارحەولوگيالىق جۇمىستاردى جۇرگىزۋ، تاريحي-مادەني ساراپتاما جۇرگىزۋ، تاريحي-مادەني مۇرا نىساندارىن قورعاۋ جانە پايدالانۋ ءجونىندەگى جاڭا قاعيدالار، تاريح جانە ءمادەنيەت ەسكەرتكىشتەرىندە عىلىمي-رەستاۆراسيالاۋ جۇمىستارىن ورىنداۋ ءجونىندەگى باعالاۋ نورماتيۆتەرى، يۋنەسكو-نىڭ دۇنيەءجۇزىلىك مادەني جانە تابيعي مۇرالار تىزىمىنە نوميناسيالاۋ قاعيدالارى ەنگىزىلدى؛
3 تەاترعا «ۇلتتىق»، ال 9 تەاترعا «اكادەميالىق» مارتەبەسى بەرىلدى؛
حالىقتى، ءبىرىنشى كەزەكتە بالالاردى دەنە شىنىقتىرۋمەن جانە بۇقارالىق سپورتپەن اينالىسۋعا تارتۋ ماقساتىندا سپورتتىق جانە شىعارماشىلىق تاپسىرىستىڭ كەستەسى ازىرلەندى.
55 پۋنكتتەن تۇراتىن 2021–2025 جىلدارعا ارنالعان جاستاردى قولداۋ جونىندەگى كەشەندى جوسپار ازىرلەندى.
عىلىم، مادەنيەت، اقپاراتتىق تەحنولوگيالار، بيزنەس، مەديا سياقتى
5 باعىت بويىنشا جوبالاردى ىسكە اسىرۋعا 3 ميلليون تەڭگە سوماسىندا تالانتتى جاستاردى قولداۋ ءۇشىن «تاۋەلسىزدىك ۇرپاقتارى» گرانتى تاعايىندالدى؛
5 ءتيىمسىز جوو قىسقارتىلدى، 25 جوو كادرلاردى دايارلاۋدىڭ 80 بەيىندى ەمەس جانە تالاپ ەتىلمەگەن باعىتتارى بويىنشا ليسەنزيالارىن قايتاردى؛
الەمنىڭ جەتەكشى عىلىمي ورتالىقتارىندا تاعىلىمدامادان ءوتۋ ءۇشىن عالىمدارعا 500 گرانت، سونداي-اق «جاس عالىم» جوباسى بويىنشا جاس عالىمدارعا 1000 گرانت ءبولىنءدى. قارجىلاندىرۋعا 3 ملرد تەڭگە ءبولىندى؛
تج ەنگىزۋ كەزىندە قىزمەتىن شەكتەۋگە بايلانىستى تابىسىنان ايىرىلعان ازاماتتاردى قولداۋ ءۇشىن ءماسق-تان 476 ملرد تەڭگە ءمولشەرىندە الەۋمەتتىك تولەمدەر ۇيىمداستىرىلدى. بۇدان باسقا، اي سايىن الەۋمەتتىك وسال ساناتتاعى 1،1 ملن-نان استام ادام، تىركەلگەن جۇمىسسىزداردى قوسا العاندا، ازىق-تۇلىك جيىنتىعىمەن قامتاماسىز ەتىلدى؛
ااك جۇيەسى ونىڭ اشىقتىعىن، ادىلدىگىن قامتاماسىز ەتۋ، سونداي-اق ەڭبەككە دەگەن ىنتانى ارتتىرۋ ءۇشىن رەفورمالاندى؛
ۋچاسكەلىك ينسپەكتورعا باستى ءرول بەرىلەتىن «قادامدىق قولجەءتىمدى پوليسيا» قاعيداتى بويىنشا جەرگىلىكتى پوليسيا قىزمەتىنە رەفورما ءجۇرگىزىلۋدە؛
كاسىپكەرلەرگە بارلىق پلاتفورمالاردىڭ وزەكتى ساتىپ الۋلارىنا تىركەلۋ جانە قاتىسۋ ءمۇمكىندىگىن بەرۋ ماقساتىندا بۇگىنگى كۇنى ۇكىمەت مەملەكەتتىك ورگانداردىڭ، كۆازيمەملەكەتتىك سەكتوردىڭ، تابيعي مونوپوليالار سۋبەكتىلەرىنىڭ، جەر قويناۋىن پايدالانۋشىلاردىڭ ساتىپ الۋلارىنىڭ اقپاراتتىق جۇيەلەرىن «ءبىرىڭعاي ساتىپ الۋ تەرەزەسى» پورتالىمەن ينتەگراسيالاۋ بويىنشا جۇمىستى اياقتادى.
2021 جىلدان باستاپ ازاماتتارعا تۇرعىن ءۇي جاعدايىن جاقسارتۋ قىمبات ەمدەلۋ اقىسىن ءتولەۋگە نەمەسە جەكە باسقارۋشى كومپانيالارعا باسقارۋعا بەرۋ ءۇشىن زەينەتاقى جيناقتارىن الۋ قۇقىعى بەرىلدى.
2021 جىل
اۋىل اكىمدەرىن سايلاۋ وتكىءزىلدى. اۋىل اكىمدەرى قۇرامىنىڭ 80%-ى جاڭارتىلدى. 2024 جىلى اۋدان اكىمدەرىنىڭ ءبىرىنشى سايلاۋىن وتكىزۋ جوسپارلانۋدا؛
ساياسي رەفورمالار شەڭبەرىندە ماجىلىسكە ساياسي پارتيالاردىڭ ءوتۋ شەگى 7%-دان 5%-عا دەيىن تومەندەتىلدى، سايلاۋ بيۋللەتەندەرىندە «بارلىعىنا قارسى» باعانى قوسىلدى؛
مەديسينا قىزمەتكەرلەرىنىڭ جالاقىسى (دارىگەرلەردىكى ورتا ەسەپپەن 30%-عا، ورتا مەديسينا قىزمەتكەرلەرىنىكى 20%-عا) ۇلعايتىلدى؛
ۇكىمەت قابىلداعان سۋمەن جابدىقتاۋدى جاقسارتۋ جونىندەگى شارالار رەسپۋبليكا بويىنشا اۋىل تۇرعىندارىن سۋمەن قامتاماسىز ەتۋدى 93%-عا دەيىن ارتتىرۋعا مۇمكىندىك بەردى؛
اكىمشىلىك راسىمدىك-پروسەستىك كودەكس قولدانىسقا ەنگىزىلدءى، ول سوت ءىسىن جۇرگىزۋدىڭ جاڭا تۇرىمەن اكىمشىلىك ادىلەتتى ەنگىزدى، بۇل «مەملەكەتتىك ورگاننىڭ كىنالىلىك پرەزۋمپسياسى» قاعيداتىن بەكىتىپ، جاريا-قۇقىقتىق داۋلاردى شەشۋ ءتارتىبىن تۇبەگەيلى وزگەرتتى؛
كورپوراتيۆتىك باسىپ الۋ ءتاسىلى ناقتىلانعان، ال بيزنەس قىلمىستىق قۋدالاۋ ورگاندارىنىڭ شامادان تىس ارالاسۋىنان قورعالعان زاڭ قابىلداندى؛
پوليسيا سەرۆيستىك مودەل نەگىزىندە رەفورمالانۋدا. ءىىم-نىڭ بارلىق بولىمشەلەرىندە حالىقپەن ءوزارا ءىس-قيمىل جاساۋ ءۇشىن فرونت-وفيستەر قۇرىلعان. پوليسيا وزىنە ءتان ەمەس فۋنكسيالاردان جانە ت.ب. بوساتىلدى؛
زاڭ جۇزىندە ۋچاسكەلىك ينسپەكتور مارتەبەسى ارتتىرىلدى؛
«قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ قابىلداندى؛
«قازاقستان رەسپۋبليكاسىنداعى ونەركاسىپتىك ساياسات تۋرالى» زاڭ ازىرلەندى، وندا، مىسالى، وڭدەۋشى ونەركاسىپ كاسىپورىندارىن وتاندىق شيكىزاتپەن قامتاماسىز ەتۋ جونىندەگى باپ كوزدەلگەن؛
اكادەميالىق دەربەستىك ەنگىءزىلدى. ءبىلىم بەرۋ باعدارلامالارى دەربەس ازىرلەنەدى جانە وقىتۋدىڭ مەرزىمى مەن تراەكتورياسى ايقىندالادى؛
جوعارى وقۋ ورىندارىنىڭ ءبىلىم ساپاسى ءۇشىن جاۋاپكەرشىلىگى كۇشەيتىلدى؛
الاياقتىق پەن قارجى پيراميدالارىنا قارسى ءىس-قيمىل بويىنشا بىرلەسكەن ءىس-شارالار كەشەنى ازىرلەندى (جول كارتاسى)؛
مەملەكەتتىك باسقارۋ تۇجىرىمداماسى ءازىرلەندى. تۇجىرىمدامانىڭ نەگىزگى ماقساتى – مەملەكەتتىك باسقارۋدىڭ باستى قۇندىلىقتارى ازاماتتار مەن ولاردىڭ ءال-اۋقاتى بولىپ تابىلاتىن «ادامعا باعدارلانعان» مودەلىن قۇرۋ بولىپ تابىلادى؛
جەرگىلىكتى ءوزىن-وزى باسقارۋ تۇجىرىمداماسى ازىرلەندى؛
2030 جىلعا دەيىنگى اقشا-كرەديت ساياساتىنىڭ ستراتەگياسى ازىرلەندى، ول باعا تۇراقتىلىعىن قامتاماسىز ەتۋ بويىنشا الەۋەتتى كۇشەيتەدى؛
13 مامىردا اۋىل شارۋاشىلىعى ماقساتىنداعى جەرلەردى شەتەلدىكتەرگە جانە شەتەلدىك تۇلعالارعا بەرۋگە جانە ساتۋعا تولىق تىيىم سالۋ تۋرالى شەشىم قابىلداندى.
2022 جىل
كونستيتۋسياعا تۇزەتۋلەر ەنگىزۋ جونىندەگى رەفەرەندۋمنىڭ ناتيجەسىندە سۋپەرپرەزيدەنتتىك باسقارۋ نىسانىنان كۇشتى پارلامەنتى بار پرەزيدەنتتىك رەسپۋبليكاعا كوشۋ، پارلامەنتتىڭ وكىلەتتىگىن كەڭەيتۋ، كۇش قۇرىلىمدارى قىزمەتكەرلەرى مەن جەكەلەگەن شەنەۋنىكتەردىڭ پارتياعا مۇشە بولۋىنا تىيىم سالۋ، ساياسي پارتيالاردى تىركەۋ ءراسىمىن وڭايلاتۋ، سايلاۋ پروسەسىن جاڭعىرتۋ، سونداي-اق ءولىم جازاسىنان تولىق باس تارتۋ جانە كونستيتۋسيالىق سوتتىڭ قايتا جاڭعىرۋى ىسكە اسىرىلدى؛
رەفەرەندۋم بارىسىندا ءماجىءلىستى 70/30 قاتىناسىندا قالىپتاستىرۋدىڭ ارالاس جۇيەسى (پروپورسيونالدى-ماجوريتارلىق)، وبلىستىق ءماسليحاتتاردىڭ دەپۋتاتتارىن سايلاۋدىڭ ارالاس جۇيەسى (50/50) ەنگىزىلدى، سونداي-اق قالالىق جانە اۋداندىق ءماسليحاتتاردى سايلاۋدىڭ ماجوريتارلىق جۇيەسىنە كوشۋ جاسالدى. بۇل شارا ازاماتتاردىڭ ءماجىلىس پەن ءماسليحاتتاردى قالىپتاستىرۋعا تىكەلەي قاتىسۋ دارەجەسىن ارتتىرادى؛
«قازاقستان حالقىنا» قوعامدىق الەۋمەتتىك قورى قۇرىلدى، ونىڭ مىندەتتەرىنىڭ ءبىرى – الەۋمەتتىك پروبلەمالاردى شەشۋ، ورفاندىق اۋرۋلارى بار بالالاردى قىمبات تۇراتىن پرەپاراتتارمەن قامتاماسىز ەتۋ بولىپ تابىلادى؛
«سك-فارماسيا» بازاسىندا مەديسينالىق تەحنيكا مەن مەديسينالىق بۇيىمداردى ورتالىقتاندىرىلعان ساتىپ الۋعا كوشۋ جۇزەگە اسىرىلدى؛
پرەزيدەنت جارلىعىمەن ۇلتتىق قۇرىلتاي قۇرىلدى؛
جاڭا وبلىستار – اباي، ۇلىتاۋ جانە جەتىسۋ وبلىستارى قۇرىلدى.
جەڭىل اۆتوموبيلدەر مەن اۋىل شارۋاشىلىعى تەحنيكاسى بويىنشا كادەگە جاراتۋ الىمى 50%-عا تومەندەدى، 2025 جىلعى 1 قاڭتارعا دەيىن حالىقارالىق تاسىمالدارعا ارنالعان ەرشىكتى تارتقىشتار ءۇشىن مولشەرلەمەلەر نولدەندى. بۇرىن كادەگە جاراتۋ الىمى ءۇشىن الىنعان قاراجات مەملەكەتكە بەرىلدى جانە ونىڭ 100 ملرد تەڭگەسى اۆتونەسيەلەۋگە باعىتتالدى؛
اۆتوموبيلدەردى باستاپقى مەملەكەتتىك تىركەۋ ءۇشىن الىم مولشەرلەمەسىن 3 جىلدان 7 جىلعا دەيىن 50 اەك-كە دەيىن تومەندەتۋ ماسەلەسى پىسىقتالۋدا؛
2022 جىلدىڭ باسىندا باسەكەلەستىكتى دامىتۋ ماسەلەلەرى تۋرالى زاڭ قابىلداندى؛
سىبايلاس جەمقورلىققا قارسى ساياسات تۇجىرىمداماسى بەكىتىلدى؛
مەملەكەتتىك الەۋمەتتىك ساقتاندىرۋ قورىنان ەڭبەك ەتۋ قابىلەتىنەن جانە اسىراۋشىسىنان ايىرىلۋ جاعدايلارىنا تولەنەتىن الەۋمەتتىك تولەمدەردىڭ مولشەرى 5%-عا ارتتىرىلدى. الەۋمەتتىك ءتولەمدەردىڭ جالپى كولەمى 92،5 ملرد تەڭگەنى قۇرادى؛
ەلىمىزدە بيوقاۋىپسىزدىكتى بولجاۋدىڭ ۇلتتىق جۇيەسىن قۇرۋدى كوزدەيتىن «قر-داعى بيولوگيالىق قاۋىپسىزدىك تۋرالى» زاڭ قابىلداندى؛
ەڭ تومەنگى جالاقى مولشەرى 60 مىڭ تەڭگەگە دەيىن ۇلعايتىلدى؛
زاڭ جۇزىندە شەتەلدىكتەردىڭ، ازاماتتىعى جوق ادامداردىڭ، شەتەلدىك زاڭدى تۇلعالاردىڭ، شەتەلدىك قاتىسۋى بار ق ر زاڭدى تۇلعالارىنىڭ، حالىقارالىق ۇيىمداردىڭ، حالىقارالىق قاتىسۋى بار عىلىمي ورتالىقتاردىڭ، سونداي-اق قانداستاردىڭ اۋىل شارۋاشىلىعى ماقساتىنداعى جەر ۋچاسكەلەرىن جەكەمەنشىك قۇقىعىمەن جانە ۋاقىتشا جەر پايدالانۋ قۇقىعىمەن يەلەنۋىنە تىيىم سالۋ ەنگىزىلدى؛
2023–2027 جىلدارعا ارنالعان كوشى-قون ساياساتى تۇجىرىمداماسى بەكىتىلدى. تۇجىرىمداما اياسىندا ەلگە بىلىكتى كادرلاردىڭ كەلۋىن ىنتالاندىرۋ، شەتەلدە جۇمىس ىستەيتىن قازاقستاندىقتاردىڭ قۇقىعىن قورعاۋ قاراستىرىلعان؛
2022 جىلعى 1 قاڭتاردان باستاپ جەكەلەگەن ساناتتاعى 591 مىڭ ازاماتتىق قىزمەتشىنىڭ جالاقىسى ارتتى؛
پرەزيدەنتتىڭ تاپسىرماسى بويىنشا ەلگە اكەلىنگەن اۆتوكولىكتەردى زاڭداستىرۋ ءۇشىن ءبىرجولعى ءتارتىپتە كادەگە جاراتۋ جانە باستاپقى تىركەۋ ءۇشىن 200–250 مىڭ تەڭگەدەن اسپايتىن مولشەردە ءبىرىڭعاي الىم قولدانىلاتىن بولدى؛
پيلوتتىق رەجيمدە وتباسىنىڭ سيفرلىق كارتاسىن (ازاماتتاردى كەپىلدى مەملەكەتتىك قولداۋدىڭ قانداي دا ءبىر ءتۇرىن الۋعا قۇقىقتارى تۋرالى) ەنگىزۋ باستالدى؛
2023 جىلعى 1 قاڭتاردان باستاپ 2027 جىلعا دەيىن ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيى كولەمىنىڭ 54%-ىنان 70%-ىنا دەيىن، ەڭ جوعارىعىسىن تيىسىنشە 100%-دان 120%-عا دەيىن كەزەڭ-كەزەڭمەن جەتكىزۋ كوزدەلىپ وتىر.
بيلىك پەن قوعام سەرىكتەستىگى نىعايادى
باعىت–باعدار ايقىن. ەلىمىزدە ساياسي رەفورمالار «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسى اياسىندا جۇزەگە اسىرىلۋدا. بۇگىندە جاڭا ستراتەگياعا سايكەس باستى مەملەكەتتىك ينستيتۋتتاردى كەشەندى تۇردە قايتا جاڭعىرتۋ جۇمىستارى ءجۇرىپ جاتىر. بۇل قادام ءار ازاماتتىڭ ءال-اۋقاتىن ارتتىرۋ جانە بۇكىل ەلىمىزدى وركەندەتۋ جولىنداعى بارلىق ءىس-قيمىلدى جانداندىرۋعا باعىتتالادى.
بيىلعى 19 ناۋرىزدا وتەتىن ءماءجىلىس جانە ءماسليحات دەپۋتاتتارىنىڭ سايلاۋىندا حالىق قالاۋلىلارىنىڭ جاڭا قۇرامى جاساقتالماق. سول ارقىلى جاڭارعان ءماسليحاتتار مەن پارلامەنتتىڭ ءبىلىكتى، ساپالىق قۇرامىنا جول اشىلماق. دەمەك، جولداۋدا اماناتتالعانداي، پرەزيدەنت، پارلامەنت، ۇكىمەت سياقتى نەگىزگى ساياسي ينستيتۋتتاردىڭ ءبارى قايتا جاڭعىرىپ، جاڭارادى. مۇنىڭ ءوزى بيلىككە بۇكىل قوعامنىڭ تالاپ-تىلەگىن ەسكەرەتىن ءتيىمدى شەشىمدەر قابىلداۋعا مۇمكىندىك بەرمەك.
جالپى، پرەزيدەنتتىڭ ءار جولداۋىندا قوعامدىق ويدى سەرپىلتەر، الەۋمەت ساناسىن سەرگىتەر ناقتى باعدارلى تىڭ باستامالار كوپ-اق. مەملەكەت باسشىسى ءوزى ايتقانداي، بيلىك ءوزىنىڭ جوسپارىن قوعامنان جاسىرىن ۇستايتىن ساياسي داستۇردەن ارىلىپ كەلەدى. ءار باستاما ازاماتتارىمىزدىڭ ءومىر ءسۇرۋ ساپاسىن جاقسارتۋدى جانە ەلدى ورنىقتى دامىتۋدى كوزدەيدى. بۇل بيلىك پەن قوعام اراسىندا ىنتىماقتاستىق مۇددە مەن ءوزارا سەرىكتەستىكتى قالىپتاستىرۋدىڭ باستى العىشارتى بولماق.
ت.دەربىسالين.