قازاقستاندىق كيبەرسپورتشى دانييل گولۋبەنكو برازيليانىڭ Furia كومانداسى ساپىندا FISSURE PLAYGROUND 2 تۋرنيرىندە جەڭىسكە جەتتى، - دەپ حابارلايدى اqshamnews.kz ءتىلشىسى.
21 قىركۇيەكتە CS2 (Counter-Strike - ەسك.) ويىنى بويىنشا FISSURE PLAYGROUND 2 ءتۋرنيرىنىڭ فينالى ءوتتى.
فينالدا موڭعوليالىق The Mongolz پەن قازاقستاندىق ويىنشى دانييل گولۋبەنكو ونەر كورسەتەتىن برازيليالىق Furia كلۋبى كەزدەستى.
قورىتىندى بويىنشا تۋرنير جەڭىمپازى بولىپ برازيليالىق كوماندا تانىلدى. ەسەپ – 3:2.
ءتۋرنيردىڭ جۇلدە قورى - 500 مىڭ دوللار(271 ميلليون تەڭگە)، ونىڭ ىشىندە جەڭىمپازعا 200 مىڭ دوللار (108 ميلليون تەڭگە) بەرىلدى.
ويىننان كەيىن قازاقستاندىق كيبەرسپورتشىعا ءتۋرنيردىڭ ەڭ ۇزدىك ويىنشىسى (MVP) مەدالى تابىستالدى.
تۋرنير بارىسىندا دانييل 18 كارت ويناپ، ورتاشا جەكە رەيتينگى 1،19 بولدى.
جۇلدەگە قول جەتكىزگەننەن كەيىن 20 جاستاعى قازاقستاندىق ويىنشى ارگەنتينالىق جۇلدىزدى فورۆارد ليونەل مەسسيدىڭ ايگىلى سۋرەتىن قايتالادى. دانييل گولۋبەنكو تروفەيدى قۇشاعىنا الىپ، ۇستىنە قازاقستان تۋىن جامىلىپ، ۇيىقتاپ جاتقانداي كەيىپ تانىتىپ، سۋرەتىن الەۋمەتتىك جەلىگە جۇكتەگەن.
بۇل سۋرەتكە كيبەرسپورت الەمىنىڭ عانا ەمەس، كوپتەگەن تانىمال تۇلعا پىكىر بىلدىرگەن.
ولاردىڭ ىشىندە برازيليا ۇلتتىق قۇراماسىنىڭ جانە "سانتوس" كلۋبىنىڭ شابۋىلشىسى، الەمدىك فۋتبول جۇلدىزى نەيمار دا بار.
