عىلىم جانە جوعارى ءبىلىم ءمينيسترى ساياسات نۇربەك ۇبت فورماتى مەن مازمۇنى تۇبەگەيلى وزگەرەتىنىن مالىمدەدى، دەپ حابارلايدى اqshamnews.kz ءتىلشىسى.
ءمينيستردىڭ ايتۋىنشا، پرەزيدەنت قاسىم-جومارت توقايەۆتىڭ اقش-تاعى ساپارى اياسىندا عىلىم مەن جوعارى ءبىلىم سالاسىنا قاتىستى ءبىرقاتار ماڭىزدى كەلىسىمدەر جاسالدى.
ساياسات نۇربەكتىڭ سوزىنشە، مەملەكەت باسشىسى الەمدەگى ەڭ كونە عىلىمي-زەرتتەۋ ورتالىقتارىنىڭ ءبىرى سانالاتىن سميتسون ينستيتۋتىنىڭ باسشىلارىمەن كەزدەستى. كەلىسىم ناتيجەسىندە "بولاشاق" باعدارلاماسى ارقىلى قازاقستاندىق عالىمدار، انتروپولوگتار، مادەنيەتتانۋشىلار مەن تاريحشىلار وسى بەدەلدى ينستيتۋتتا ءبىلىم الىپ، تاجىريبەسىن شىڭداۋعا مۇمكىندىك الادى.
ال ۇبت-عا قاتىستى ۇلكەن وزگەرىستەر كۇتىپ تۇر.
"Educational Testing Service (ETS) كومپانياسى – الەمدەگى تەستولوگيا سالاسىنداعى ەڭ كونە ۇيىم. كەلىسسوزدەر ناتيجەسىندە ETSء-تىڭ جەتەكشى ماماندارى قاتىساتىن ارنايى جۇمىس توبى قۇرىلادى. حالىقارالىق دەڭگەيدەگى ساراپشىلاردىڭ تاجىريبەسى نەگىزىندە قازاقستانداعى ۇلتتىق ءبىرىڭعاي تەستىلەۋدىڭ مازمۇنى مەن ادىستەمەسى تەرەڭ جاڭعىرتىلىپ، ول زاماناۋي ادىستەمە مەن باعالاۋدىڭ ساپاسى جوعارى حالىقارالىق ستاندارتقا ساي جەتىلدىرىلمەك"، – دەپ اتاپ ءوتتى مينيستر.
سكە سالايىق، نيۋ-يوركتەگى ساپار بارىسىندا پرەزيدەنت توقايەۆ ETS كومپانياسىنىڭ پرەزيدەنتى ءارى باس اتقارۋشى ديرەكتورى اميت سيەۆاكپەن دە كەزدەستى.