«قازگيدرومەت» مەكەمەسىنىڭ دەرەگىنشە، 23 قىركۇيەك كۇنى تاڭعى ساعات 5-تەن باستاپ 24 قىركۇيەك تاڭعا دەيىن الماتىدا جاڭبىر جاۋىپ، كەي جەردە ونىڭ مولشەرى 20 مم-گە دەيىن جەتۋى مۇمكىن. باتىستان سوققان جەلدىڭ جىلدامدىعى 3–8 م/س بولىپ، ەكپىنى 18 م/س-قا دەيىن جەتەدى. كۇندىز اۋا تەمپەراتۋراسى +17…+19 °س بولادى دەپ بولجانىپ وتىر.
24 قىركۇيەككە قاراعان ءتۇنى جاۋىن-شاشىن جالعاسادى، ال كۇندىز كۇن اشىق بولادى. سولتۇستىك-شىعىستان سوققان جەلدىڭ جىلدامدىعى 3–8 م/س. تەمپەراتۋرا تۇندە +10…+12 °س، كۇندىز +18…+20 °س شاماسىندا.
سۋ باسۋى مۇمكىن جاعدايلاردىڭ الدىن الۋ جانە ولاردىڭ سالدارىن دەر كەزىندە جويۋ ءۇشىن قالا بويىنشا كوممۋنالدىق جانە جەدەل قىزمەتتەر تاۋلىك بويى كەزەكشىلىك ەتەدى.
بۇل جۇمىستارعا «الماتى تازالىق» مەكەمەسى مەن مەردىگەر ۇيىمداردىڭ 123 ارنايى تەحنيكاسى، 74 موتوپومپا، 20 اسسەنيزاتور كولىگى (ونىڭ 13ء-ى سۋ باسۋ ءقاۋپى بار ورىندارعا قويىلعان)، سونداي-اق 75 جەدەل بريگادا تارتىلدى. ولاردىڭ قۇرامىندا 425 جۇمىسشى بار، بارلىعى موتوپومپامەن جانە قاجەتتى قۇرالدارمەن جابدىقتالعان.
بۇعان قوسا، الماتى قالاسى قۇتقارۋ قىزمەتى دە كۇشەيتىلگەن تارتىپتە جۇمىس ىستەيدى. ولاردۆڭ قاراۋىندا 1 اسسەنيزاتور كولىگى مەن 15 موتوپومپا بار.
الماتى قالاسى توتەنشە جاعدايلار دەپارتامەنتى تاراپىنان 53 ارنايى تەحنيكا مەن 246 قىزمەتكەر تولىق دايىندىقتا تۇر.