الماتىداعى بىرنەشە اۋداندا سۋىق سۋ وشەدى

الداعى ەكى كۇن ىشىندە الماتىنىڭ كەيبىر اۋداندارىندا سۋىق سۋ ۋاقىتشا وشىرىلەدى، - دەپ حابارلايدى اqshamnews.kz.

"الماتى سۋ" كومپانياسىنىڭ مالىمەتىنشە، بۇل جاڭا سۋ قۇبىرى جەلىلەرىن ىسكە قوسۋ بويىنشا جوسپارلى جۇمىستاردىڭ جالعاسۋىنا بايلانىستى.

"الماتى سۋ" ۋاقىتشا قولايسىزدىقتار ءۇشىن كەشىرىم سۇراپ، تەحنيكالىق جۇمىستارعا تۇسىنىستىكپەن قاراۋدى وتىنەدى"، – دەلىنگەن حابارلامادا.

قاي جەردە سۋىق سۋ بولمايدى؟

سۋىق سۋدى توقتاتۋ 23 قىركۇيەكتە ساعات 09:00-دەن 17:00-گە دەيىن جوسپارلانىپ وتىر.

كومپانيا مالىمەتىنشە، بوستاندىق اۋدانىنداعى مىنا اۋماقتاردا سۋ بولمايدى:

• سەركەبايەۆ داڭعىلى – ءال-فارابي داڭعىلى – ۇلكەن الماتى وزەنى – مالاحوۆ كوشەسى – قوجابەكوۆ كوشەسى؛

• ءال-فارابي داڭعىلى – ۆيتەبسكايا كوشەسى – قۇسايىنوۆ كوشەسى – ۇلكەن الماتى وزەنى.

سونىمەن قاتار، 24 قىركۇيەكتە ساعات 09:00-دەن 17:00-گە دەيىن مۇستافين كوشەسىنەن ساين كوشەسىنە دەيىنگى تورايعىروۆ كوشەسىنىڭ سولتۇستىك جاعىندا سۋ بولمايدى.

كومپانيانىڭ حابارلاۋىنشا، قوسىمشا اقپاراتتى 274-66-66 ءنومىرى ارقىلى بىلۋگە بولادى.

ەسكە سالايىق، جاڭا سۋ قۇبىرى جەلىلەرىن ىسكە قوسۋ جۇمىستارىنا بايلانىستى الماتىنىڭ بىرنەشە اۋدانىندا 19 قىركۇيەكتە دە سۋىق سۋ ۋاقىتشا وشىرىلگەن ەدى.