فەرمەرلەر ءبىر كۇندە 130 توننادان استام الما ساتتى. بۇل الماتىدا قالا كۇنى وتەتىن جىل سايىن ءداستۇرلى ەڭ ءىرى Alma Fest فەستيۆالىنىڭ سوڭعى 15 جىلداعى رەكوردى.
جارمەڭكەگە 50 باۋ-باقشا شارۋاشىلىعى قاتىسىپ، اڭىزعا اينالعان اپورت الماسىن، كوللەكسيالىق سۇرىپتار مەن تاۋ بوكتەرىندە وسىرىلگەن وسىرىلگەن سيرەك بۋداندى جەمىستەردى ۇسىندى.
فەستيۆالگە 120 مىڭنان استام قوناق جينالدى. ولارعا ارناپ ءۇش ۇلكەن ساحنا مەن ءۇش شاعىن الاڭدا كونسەرتتەر، تەاترلاندىرىلعان قويىلىمدار جانە شەبەرلىك دارىستەرى وتكىزىلدى.
فەستيۆالدىڭ قولونەر ايماعىنا باسا نازار اۋدارىلدى. مۇندا 58 قولونەر شەبەرى ءداستۇرلى زەرگەرلىك زاتتاردى، توقىمادان، اعاشتان، بىلعارى مەن مەتاللدان جاساعان بۇيىمدارىن كورسەتتى. ارت-ايماقتا 30-دان اسا سۋرەتشى تۋىندىسىن سالىپ، بەينەلەۋ ونەرىنىڭ قازىرگى كەزدەگى دامۋىن پاش ەتتى.
ۇيىمداستىرۋشىلار قوناقتارعا ارنالعان تاماقتانۋ ايماقتارىن، سانيتارلىق بەكەتتەردى قامتاماسىز ەتتى. Alma Fest 2025 مادەنيەت پەن اگرارلىق سالانى ۇشتاستىراتىن، ال قولونەرشىلەر مەن سۋرەتشىلەرگە ونەرىن كەڭ اۋديتورياعا كورسەتۋگە مۇمكىندىك بەرەتىن ءىرى قالالىق جارمەڭكە مارتەبەسىن تاعى دا دالەلدەدى.