الماتى قالاسى الاتاۋ اۋدانىنداعى №196 جالپى ءبىلىم بەرەتىن مەكتەپتە جوسپارعا سايكەس سەيسموجاتتىعۋ وتكىزىلدى. بەلگىلەنگەن ۋاقىتتا دابىل سيگنالى بەرىلىپ، مۇعالىمدەر مەن وقۋشىلار تەز ارادا عيماراتتان اۋلاعا شىعارىلدى. بارلىق سىنىپتار تولىق جينالعاننان كەيىن وقۋشىلار مەن قىزمەتكەرلەر سانى تەكسەرىلدى.
العاشقى اسكەري جانە تەحنولوگيالىق دايىندىق ءپانىنىڭ ءمۇعالىمى د. ۋنەربەكوۆ تۇسىندىرمە جۇمىستارىن جۇرگىزىپ، قاجەتتى اقپاراتتى مۇعالىمدەرگە جەتكىزدى. ءار سىنىپ جەتەكشىسى ءوز كەزەگىندە وقۋشىلار سانىن انىقتاپ، ەسەپ بەردى.
"جاتتىعۋ بارىسىندا جىبەرىلگەن قاتەلىكتەر تالدانىپ، قورىتىندى جاسالدى. سەيسموجاتتىعۋدىڭ ماقساتى — جەر سىلكىنىسى كەزىندە مەكتەپ وقۋشىلارى مەن قىزمەتكەرلەرىن توتەنشە جاعدايدا دۇرىس ارەكەت ەتۋگە ۇيرەتۋ"،- دەيدى مەكتەپ ديرەكتورى باتەن رۇستەنبەك قىزى.