ەندى پروباسيا قىزمەتىنىڭ ەسەبىندەگى سوتتالعاندارعا ونلاين كومەك بەرىلەدى

پروباسيا قىزمەتىنىڭ ەسەبىندە تۇرعان سوتتالعاندار ءۇشىن الەۋمەتتىك قولداۋ الۋ پروسەسى جەڭىلدەدى. ەندى ولار جاڭا “FSM Social” ءموبيلدى قوسىمشاسى ارقىلى مەملەكەتتىك ورگانداردان ونلاين تۇردە كومەك سۇراي الادى، - دەپ حابارلايدى اqshamnews.kz ءتىلشىسى. 

قوسىمشانىڭ مۇمكىندىكتەرى

جاڭا سەرۆيس قوعامنان وقشاۋلاۋمەن بايلانىستى ەمەس جازاعا تارتىلعاندارعا قولجەتىمدى. بۇل قوسىمشا ارقىلى:

• الەۋمەتتىك-پسيحولوگيالىق جانە زاڭگەرلىك كەڭەسكە جۇگىنۋ؛

• جۇمىسسىزدىق ماسەلەسى بويىنشا ءتيىستى مەكەمەلەرگە ءوتىنىش جولداۋ؛

• ءتۇرلى الەۋمەتتىك قولداۋ شارالارىنا ءوتىنىش بەرۋ مۇمكىندىگى پايدا بولادى.

قوسىمشانى پايدالانۋ ءۇشىن پروباسيا ينسپەكتورىنا جۇگىنىپ، ءوز سۇراعىن گەولوكاسيا مەن فوتوسۋرەت قوسا وتىرىپ، “FSM Social” ارقىلى جىبەرۋ جەتكىلىكتى.

العاشقى ناتيجەلەر

ءقازىر اقتوبە وبلىسىندا پروباسيا قىزمەتىندە ەسەپتە تۇرعان جانە تۇزەۋ مەكەمەلەرىنەن بوساتىلعان 200-گە جۋىق ادام قوسىمشانى پايدالانىپ، ءتۇرلى باعىتتا كومەك الۋعا ءوتىنىش بىلدىرگەن.

قاجەت قولداۋ باعىتتارى قانداي؟

• زاڭگەرلىك كومەك: شامامەن 50 ادام بانك شوتتارىنىڭ بۇعاتتالۋىنا بايلانىستى كەڭەس العان.

• جۇمىسپەن قامتۋ: 14 ادام مانساپ ورتالىعىنىڭ ماماندارىمەن بىرلەسىپ، بوس جۇمىس ورىندارى جارمەڭكەسىنە شاقىرتۋ الدى.

مامانداردىڭ پىكىرىنشە، “FSM Social” قوسىمشاسى تەك سوتتالعاندارعا قاجەتتى كومەك كورسەتىپ قويماي، ولاردىڭ قايتا قىلمىس جاساۋىنا يتەرمەلەيتىن فاكتورلاردى ازايتۋعا ىقپال ەتەدى. سونىمەن قاتار، پروباسيا ينسپەكتورلارىنىڭ جۇمىسىن دا جەڭىلدەتەدى.