گرەك-ريم كۇرەسىنەن قازاقستاندىق ايدوس سۇلتانعالي زاگرەبتە (حورۆاتيا) وتكەن 2025 جىلعى الەم چەمپيوناتىندا التىن مەدال جەڭىپ الدى. فينالدا قازاقستاندىق سپورتشى وزبەكستاندىق بالۋاندى ۇتىپ، ەل قورجىنىنا عاسىردىڭ العاشقى "الەمدىك التىنىن" سالدى. ەلىمىزگە تاريحي جەڭىس سىيلاعان ايدوس سۇلتانعالي تۋرالى نە بەلگىلى؟ اqshamnews.kz ماتەريالىنان ءبىلىڭىز.
بالا ارماننان باستالعان چەمپيوندىق جول
ايدوس سۇلتانعالي 1996 جىلى 7 اقپاندا قىزىلوردا قالاسىندا دۇنيەگە كەلگەن. سپورتتىق جولىن ەرتە باستاپ، ءجاسوسپىرىم شاعىنان-اق ەرەكشە قابىلەتىمەن كوزگە ءتۇستى. ول 2012 جىلى كادەتتەر اراسىنداعى ازيا بىرىنشىلىگىندە كۇمىس جۇلدە جەڭىپ الىپ، ءبىر جىلدان كەيىن قۇرلىق چەمپيونى اتاندى. 2016 جىلى جاستار اراسىندا ازيانىڭ ۇزدىگى بولدى.
ايدوس سۇلتانعالي قىزىلوردا وبلىستىق جوعارى سپورت شەبەرلىگى مەكتەبىندە جاتتىعادى. ونىڭ العاشقى ۇستازدارى – قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى ۆيكتور يۋن مەن جەكە باپكەرى عابيدەن رايىمبەك.
سۋرەت: kzvesti.kz
ايدوس بوزكىلەمدە بىرتىندەپ شىڭدالىپ، ەرەسەكتەر اراسىنداعى باسەكەلەردە دە ءوزىن دالەلدەدى.
-
2017 جىلى پولشاداعى جاستار اراسىنداعى الەم چەمپيوناتىندا قولا جۇلدەگەر اتاندى.
-
2018 جىلى بۋداپەشتتە وتكەن الەم چەمپيوناتىندا (60 كگ) قولا الدى.
-
2021 جىلى الماتىدا ازيا چەمپيونى بولدى.
-
2022 جىلى سەربياداعى الەم چەمپيوناتىندا تاعى دا قولا جۇلدەگە قول جەتكىزدى.
ال 2025 جىلى زاگرەبتە وتكەن الەم چەمپيوناتى سۇلتانعاليدىڭ سپورتتىق مانسابىنداعى باستى بەلەس بولدى. فينالدا ول وزبەك بالۋانى الىشەر عانييەۆتى ۇتىپ، التىننان القا تاقتى.
سۋرەت: ۇوك/سالي سابيروۆ
"انامنىڭ كوزىنشە ەشكىمنەن جەڭىلگىم كەلمەيتىن"
ايدوس - وتباسىندا ءۇش قىزدىڭ ىشىندە جالعىز ۇل. ال اتا-اناسى قاراپايىم جاندارى. ول جانۇياسىنىڭ قولداۋى جايلى وتاندىق باسىلىمداردىڭ بىرىنە بەرگەن سۇحباتىندا بولىسكەن ەدى.
"اكە-شەشەم ۇلكەن قولداۋ ءبىلدىرىپ وتىرادى. اسىرەسە، انام ۇلكەن دەم بەرەدى. بالا كەزىمدە انامنىڭ كوزىنشە جاتتىعاتىنمىن. ول كىسىنىڭ الدىندا ۇياتقا قالعىم كەلمەيدى. قىزىلوردا جانە تۇركىستان قالالارىندا وتكەن جارىستى تاماشالاۋعا جاقىندارىمنىڭ كەلگەنى ەسىمدە. سول كەزدە قاتتى تولقىدىم. جەڭىلىپ قالعان ءساتىمدى جاقىندارىمنىڭ كورگەنىن قالامايمىن. مەن ءۇشىن ول كىسىلەر ەڭ باستى – تورەشى"، - دەدى ايدوس سۇلتانعالي.
ونىڭ ەندىگى الداعى باستى ماقساتى – 2028 جىلى لوس-اندجەلەستە وتەتىن وليمپياداعا قاتىسىپ، بيىك تۇعىردان كورىنۋ.
سۋرەت: prosports.kz
"جەڭىلىسىم ءبىر اي بويى تۇسىمە كىرە بەردى"
بالۋاننىڭ وزىنە ەڭ قاتتى قابىلداعان جەڭىلىستەرىنىڭ ءبىرى - فرانسياداعى جاستار اراسىنداعى الەم چەمپيوناتى. ول بۇل چەمپيوناتتا تۇرىك بالۋانعا ەسە جىبەرگەن ەدى.
"بارلىق قارسىلاستارىمدى جەڭىپ كەلە جاتىپ، تۇرىك بالۋانىنان ويسىراتا جەڭىلدىم. بۇل جەڭىلىس ماعان قاتتى اسەر ەتتى. ءبىر اي بويى سول بەلدەسۋىم تۇسىمە كىرىپ ءجۇردى. كەيىن ءوزىمدى قولعا الدىم. سپورت وتە قيىن سالا. دەگەنمەن مەن وتە باقىتتىمىن. ءوزىمنىڭ سۇيىكتى ىسىممەن اينالىسۋعا مۇمكىندىگىم بار" دەدى ايدوس سۇلتانعالي.
سۋرەت: سدد
چەمپيون كىمدى ۇلگى تۇتادى؟
ايدوس سۇلتانعالي ءوزىنىڭ بالا كۇنىنەن ەلىكتەيتىن پالۋانى 1980 جىلعى ماسكەۋ وليمپياداسىنىڭ چەمپيونى ءشامىل سەرىكوۆ ەكەنىن ايتادى. سونىمەن قاتار، قازىرگى باپكەرى ءارى اتلانتا وليمپياداسىنىڭ چەمپيونى يۋريي مەلنيچەنكونىڭ كۇرەسىن ەرەكشە باعالايدى.
ايدوس ءوزى تاربيەلەنگەن قىزىلوردا ءوڭىرىنىڭ نامىسىن قورعاۋدى ازاماتتىق بورىشى سانايدى. باسقا وبلىستاردان ۇسىنىستار تۇسكەنىنە قاراماستان، تۋعان جەرگە ادال بولىپ قالۋدى ءجون كورەدى.
كەلەشەك بۋىنعا ارناعان سوزىندە ول:
"ۇلكەن تۋرنيرلەردىڭ اۋراسىنان قورقۋدىڭ قاجەتى جوق. قانداي جارىس بولسا دا، سەنىڭ جىلدار بويى جيناعان تاجىريبەڭ بارىنەن قىمبات. باستىسى – دايىندىققا سەنۋ" دەدى الەم چەمپيونى.
سۋرەت: سدد