مەملەكەت باسشىسىنىڭ جولداۋىندا قوزعالعان اۋىل شارۋاشىلىعىن دامىتۋ ماسەلەسى بۇگىنگى كۇندەرى كوكەيكەستىلىگىن جوعالتپاي وتىر. ەكونوميكا عىلىمدارىنىڭ دوكتورى ۇكىلاي كەرىموۆا وسىنداي پىكىردە.
مامان قازاقستانداعى سۋبسيديالاۋ ەرەجەلەرى جىل سايىن وزگەرىپ جاتقانىن اتاپ ءوتتى.
«وزگەرىستەر قاجەت، ءبىراق ءدال وسىنداي قارقىندا ەمەس»، – دەدى ۇكىلاي كەرىموۆا.
ونىڭ ويىنشا، قازاقستاننىڭ دسۇ كىرۋى جانە ەلىمىزدىڭ وزىنە العان مىندەتتەمەلەرى ورىندالۋى ءتيىس.
«دسۇ كىرگەندە اۋىل شارۋاشىلىعىنا ءجىو دەن كەم دەگەندە 8% بولىنەدى دەلىنگەن، الايدا ءقازىر اگرارلىق سالاعا 4،5 تەن 5% دەيىن عانا بولىنەدى»، – دەدى ءۇ.كەرىموۆا.
سوندىقتان اۋىل شارۋاشىلىعى سالاسىنا مەملەكەت باسشىسى جولداۋدا ايتقانداي، نارىقتىق مەحانيزمدەر قۇرۋ قاجەت.
«سوندىقتان پرەزيدەنتتىڭ جولداۋدا اگرارلى سەكتورعا قاتىستى ايتقان بارلىق تاپسىرمالارىن قولدايمىن»، – دەپ قورىتىندىلادى ءۇ.كەرىموۆا.
قازۇازۋ كافەدرا مەڭگەرۋشىسى تلەپبەرگەن رىسپەكوۆ ايتقانداي، وتكەن جىل قۇرعاقشىلىق بولىپ، ەلىمىزدە جەم تاپشىلىعى بايقالدى.
«سوندىقتان الداعى ەكى نە ءۇش جىلعا جەتەرلىك شوپپەن قامدانۋ كەرەك»، – دەدى ول.
ول ءوز سوزىندە اۋىل شارۋاشىلىق جەرلەرىن راسيونالدى پايدالانۋ ارقىلى قازاقستان ءبىرشاما پايداعا كەنەلەتىنىن اتاپ ءوتتى. بۇعان قوسا مەملەكەت پەن بيزنەستە وسىعان بارلىق مۇمكىندىك بار.
«سوندىقتان پرەزيدەنت ءوز جولداۋىندا وسى جولداردى كورسەتتى، ەندى مۇنى ورىندى قولدانا بىلسەك بولعانى »، – دەپ تلەپبەرگەن رىسپەكوۆ تاعى قوستى.