تۇركىستاندا 9-سىنىپ وقۋشىسى سىنىپتاسىن سوققىعا جىعىپ، ول وقيعا ورنىندا كوز جۇمدى، - دەپ حابارلايدى Aqshamnews.kz.
تۇركىستان قالاسىندا 9-سىنىپ وقۋشىسى جانجال كەزىندە سىنىپتاسىن كەۋدەسىنەن ۇرىپ، ول العان جاراقاتىنان سول جەردە قايتىس بولعان.
وبلىستىق پوليسيا دەپارتامەنتىنىڭ مالىمەتىنشە، وقيعا بولعان ساتتە سىنىپتاستار جانىندا بولعان. پوليسەيلەر كۇدىكتىنى جانە جانجالعا كۋا بولعان بارلىق ءجاسوسپىرىمدى جەدەل تۇردە ۇستاعان.
قۇقىق قورعاۋ ورگاندارى ءىستى سوتقا دەيىنگى تەرگەپ-تەكسەرۋدىڭ ءبىرىڭعاي رەەسترىنە تىركەپ، تەرگەۋدى باستاپ كەتتى.
سونداي-اق كامەلەتكە تولماعانداردىڭ اتا-انالارى «بالالاردى تاربيەلەۋ مىندەتىن ورىنداماعانى ءۇشىن» اكىمشىلىك جاۋاپكەرشىلىككە تارتىلعان.
پوليسيا دەپارتامەنتى تەرگەۋ بارىسى دەپارتامەنت باسشىلىعىنىڭ ەرەكشە باقىلاۋىندا ەكەنىن اتاپ ءوتتى.