پرەزيدەنت قاسىم-جومارت توقايەۆ ءبىرقاتار مەملەكەتتەردەگى قازاقستان ەلشىلەرىنە قوسىمشا وكىلەتتىك بەرۋ جونىندە جارلىق شىعاردى، - دەپ حابارلايدى اqshamnews.kz ءتىلشىسى.
قازاقستان رەسپۋبليكاسىنىڭ ساۋد ارابياسى كورولدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يسلام ىنتىماقتاستىعى ۇيىمى جانىنداعى تۇراقتى وكىلى ماديار ءسمادىل ۇلى مەڭىلبەكوۆ قازاقستان رەسپۋبليكاسىنىڭ باحرەين كورولدىگىندەگى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
قازاقستان رەسپۋبليكاسىنىڭ پورتۋگاليا رەسپۋبليكاسىنداعى توتەنشە جانە وكىلەتتى ەلشىسى جان سەرجان ۇلى عالييەۆ قازاقستان رەسپۋبليكاسىنىڭ كونگو رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
ماديار مەڭىلبەكوۆ - 1978 جىلى جامبىل وبلىسىندا تۋعان. تريپوليدەگى «يسلامدىق داعۋات» ۋنيۆەرسيتەتىن جانە ابىلاي حان اتىنداعى ءقازحقجاتۋ ماگيستراتۋراسىن ءتامامداعان. ديپلوماتيالىق قىزمەتىن 2006 جىلى باستاعان. باا-دەگى ەلشىلىكتە ءتۇرلى قىزمەتتەر اتقارعان، دۋبايداعى باس كونسۋل بولعان. اراب جانە اعىلشىن تىلدەرىن مەڭگەرگەن.
جان عالييەۆ - 1972 جىلى تۋعان. «بولاشاق» باعدارلاماسىمەن ستراسبۋرگ پەن پاريجدە حالىقارالىق قاتىناستار جانە مەملەكەتتىك باسقارۋ باعىتىندا ءبىلىم العان. فرانسيا، بەلگيا ەلشىلىكتەرىندە، يۋنەسكو جانىندا جۇمىس ىستەگەن. 2017–2022 جىلدارى قازاقستاننىڭ فرانسياداعى ەلشىسى بولدى. فرانسۋز جانە اعىلشىن تىلدەرىن ەركىن مەڭگەرگەن.
جارلىقتار كۇشىنە ەندى.