تۇركىستان وبلىسى ورداباسى اۋدانىنا قاراستى تورتكۇل اۋىلىندا جول جيەگىنەن ءمايىتى تابىلعان 16 جاستاعى قىزدىڭ ولىمىنە قاتىستى ءىس اۋدانارالىق قىلمىستىق ىستەر جونىندەگى سوتتا جابىق تۇردە قارالاتىن بولدى، - دەپ حابارلايدى اqshamnews.kz ءتىلشىسى Otyrar.kz-كە سىلتەمە جاساپ.
تەرگەۋ ءىسى قىلمىستىق كودەكستەگى «ادام ءولتىرۋ»، «زورلاۋ» جانە «سەكسۋالدىق سيپاتتاعى زورلىق-زومبىلىق ارەكەتتەرى» باپتارىمەن جۇرگىزىلىپ جاتىر.
قايعىلى وقيعا بيىل 6 ماۋسىمعا قاراعان ءتۇنى بولعان. اۋىل تۇرعىندارىنىڭ ايتۋىنشا، ءجاسوسپىرىم ادەتتەگىدەي وتباسىنىڭ دۇكەنىنەن ۇيىنە قاراي شىققان، الايدا سول كۇيى ورالماعان. تۋىستارى مەن اۋىل تۇرعىندارى پوليسيامەن بىرگە ونى ءتۇنى بويى ىزدەگەنىمەن، تابا الماعان.
كەلەسى كۇنى تاڭەرتەڭ پوليسەيلەر قىزدىڭ ءمايىتىن جول بويىنداعى بالاباقشا ماڭىنان تاپقان.
باسىلىمنىڭ مالىمەتىنشە، سول كۇنى قىزدىڭ وتباسى يەلىك ەتەتىن دۇكەنگە جاقىن ورنالاسقان ناۋبايحانادا جۇمىس ىستەيتىن شەتەلدىك ەڭبەك ميگرانتىن پوليسيا ۇستاعان. ال اۋىلدا بايلانىس ۋاقىتشا ۇزىلگەندە، ءتارتىپ ساقشىلارى كۇزەت شارالارىن كۇشەيتكەن.