جينالعان قارجىنى ءبىلىم بەرۋگە جۇمساۋعا بولادى
فيلوسوفيا، ساياساتتانۋ جانە ءدىنتانۋ ينستيتۋتىنىڭ قىزمەتكەرى ءادىل ءجۇنىسوۆ ۇلتتىق قور پايداسىنىڭ 50% 17 جاسقا تولعان قازاقستاندىق بالالارعا بەرىلەتىنى تۋرالى پرەزيدەنت جولداۋىندا ايتىلعان يدەيا جاڭا قازاقستان مەن جاڭا قوعام قۇرىلىپ جاتقانىنىڭ جارقىن كورىنىسى دەگەن پىكىردە.
«پرەزيدەنت جولداۋى الەۋمەتتىك سالانى جاقسارتۋعا باعىتتالعان. وسكەلەڭ ۇرپاققا، ستۋدەنتتەرگە كوپ كوڭىل بولىنگەنى بايقالادى. بۇل وتە دۇرىس»، – دەدى ول.
ونىڭ پىكىرىنشە، قىزىل ديپلومى بار ازاماتتار بازارلاردا ەڭبەك ەتپەۋى كەرەك، سوندىقتان ەلىمىزگە ەڭبەك رەسۋرسىن ورىندى ءبولۋ اسا قاجەت.
«جاستاردىڭ جەتى پايىزعا جۋىعى جۇمىسقا تۇرماعان. وسى ماسەلەنى قاراپ، ءوندىرىستى كوتەرۋ كەرەك»، – دەدى ءادىل ءجۇنىسوۆ.
قازۇقپۋ دەنە شىنىقتىرۋ جانە سپورت كافەدراسىنىڭ باعدارلامالىق كوشباسشىسى ءاليا ەسىلبايەۆا ۇلتتىق قوردان بالالارعا قاراجات ءبولۋ ماسەلەسىن ەرەكشە قولدادى.
«بۇل بىزگە، جاس ۇرپاققا اسا قاجەت. ەندى بالالار 18 جاسقا تولعاسىن بۇل قارجىنى ءبىلىم الۋعا جۇمساي الادى»، – دەدى ول.