قازاقستاندا 3 ميلليوننان استام ازامات تەگىن دارى-دارمەك الدى، - دەپ حابارلايدى Aqshamnews.kz ۇكىمەت وتىرىسىندا جاريالانعان مالىمەتكە سۇيەنىپ.
دەنساۋلىق ساقتاۋ ۆيسە-مينيسترى تيمۋر مۇراتوۆتىڭ ايتۋىنشا، بيىلعى جىلدىڭ العاشقى 10 ايىندا جالپى قۇنى 219،7 ملرد تەڭگەگە 3 ميلليوننان استام پاسيەنت امبۋلاتوريالىق دەڭگەيدە تەگىن دارى-دارمەكپەن قامتاماسىز ەتىلگەن.
2020–2025 جىلدار ارالىعىندا امبۋلاتوريالىق دارى-دارمەكپەن قامتۋدى قارجىلاندىرۋ كولەمى 48%-عا ءوسىپ، 115 ملرد تەڭگەدەن 262 ملرد تەڭگەگە جەتكەن.
جەتكىزىلىمدەگى ۇزىلىستەردىڭ الدىن الۋ ءۇشىن ءبىرىڭعاي ديستريبيۋتور 21 ملرد تەڭگەگە تومەندەتىلمەيتىن قور جاساقتاعان.
مينيسترلىك سوزىلمالى اۋرۋلارى بار ناۋقاستاردىڭ (قانت ديابەتى، ارتريت، سەرەبرالدى سال اۋرۋى جانە ت.ب.) مەملەكەتتىك كەپىلدىك شەڭبەرىندە تەگىن دارى-دارمەك الۋدى جالعاستىرىپ وتىرعانىن اتاپ ءوتتى.
قازاقستان وڭىردەگى تەگىن دارى-دارمەكپەن قامتاماسىز ەتۋ دەڭگەيى ەڭ جوعارى ەلدەردىڭ ءبىرى سانالادى.