الماتى – سەۋل رەيسىندە اجەتحانادا شىلىم شەككەن ايەلگە 196 600 تەڭگە ايىپپۇل سالىندى، - دەپ حابارلايدى Aqshamnews.kz ءتىلشىسى.
الماتى اۋەجايىندا كولىك پوليسياسى قىزمەتكەرلەرى الماتى – سەۋل باعىتىنداعى رەيستە ءتارتىپ بۇزعان جولاۋشىنى انىقتادى. دەپارتامەنتتىڭ مالىمەتىنشە، تاجىكستان ازاماتى - 35 جاستاعى ايەل ۇشاقتىڭ اجەتحاناسىندا شىلىم شەگىپ وتىرعان جەرىنەن ۇستالعان. قازاقستان زاڭناماسى بويىنشا بورتتا تەمەكى تارتۋ قاتاڭ تىيىم سالىنعان جانە جولاۋشىلار مەن ەكيپاجعا ءقاۋىپ توندىرەدى.
وعان قاتىستى اكىمشىلىك حاتتاما تولتىرىلىپ، 50 اەك كولەمىندە ايىپپۇل تاعايىندالدى. بۇل - 196 600 تەڭگە.
كەيىنگى 10 ايدا كولىك پوليسياسى اۋە رەيستەرىنەن 520 جولاۋشىنى ءتۇرلى قۇقىقبۇزۋشىلىق ءۇشىن تۇسىرگەن. ونىڭ 131ء-ى - ۇشاقتا تەمەكى شەگۋ فاكتىلەرى.
قۇقىق قورعاۋشىلار جولاۋشىلاردى اۆياسياداعى قاۋىپسىزدىك ەرەجەلەرىن قاتاڭ ساقتاۋعا شاقىردى.