پاكىستان استاناسىندا اۆتوكولىك جارىلىپ، كەمىندە 12 ادام قازا تاپتى، - دەپ حابارلايدى Aqshamnews.kz India Today دەرەگىنە سۇيەنىپ.
پاكىستان استاناسى يسلامابادتا كولىك جارىلىسى سالدارىنان كەمىندە 12 ادام كوز جۇمىپ، 20-دان استام ادام جارالاندى. بيلىك پەن پوليسيا بۇل وقيعانى تەراكت رەتىندە قاراستىرىپ وتىر.
پاكىستاندىق ب ا ق مالىمەتىنشە، جارىلىس حالىق كوپ جينالاتىن ۋاقىتتا سوت عيماراتىنىڭ ماڭىندا، سول جەردە تۇرعان اۆتوكولىكتە بولعان. ءدۇمپۋىنىڭ قاتتى بولعانى سونشالىق، جارىلىس دىبىسى 6 شاقىرىمعا دەيىن ەستىلگەن. زارداپ شەككەندەردىڭ باسىم بولىگى ادۆوكاتتار مەن سوت قىزمەتكەرلەرى.
الدىن الا بولجام بويىنشا، جارىلىستى جانكەشتى-تەرروريست جاساعان بولۋى مۇمكىن.
پاكىستان پرەزيدەنتى اسيف الي زارداري بۇل شابۋىلدى قاتاڭ ايىپتاپ، قازا تاپقانداردىڭ جاقىندارىنا كوڭىل ايتتى.