دەنساۋلىق ساقتاۋ ۆيسە-مينيسترى بالالار اراسىندا ۆيرۋس ءورشىپ جاتىر دەگەن اقپاراتقا جاۋاپ بەردى، - دەپ حابارلايدى Aqshamnews.kz ءتىلشىسى.
الەۋمەتتىك جەلىدە بالالار اراسىندا بەلگىسىز ۆيرۋس تاراپ، ينفەكسيالىق ستاسيونارلاردا بوس ورىن قالمادى دەگەن اقپاراتتار تارادى. دەنساۋلىق ساقتاۋ ۆيسە-مينيسترى تيمۋر مۇراتوۆ بۇل مالىمەتتى جوققا شىعاردى، ءبىراق ينفەكسيالىق بولىمشەلەردەگى پاسيەنتتەر سانى راسىمەن ارتقانىن راستادى.
ۆيسە-مينيستردىڭ ايتۋىنشا، بۇل – كۇز جانە كوكتەم مەزگىلدەرىنە ءتان ماۋسىمدىق قۇبىلىس.
"بۇل - وتپەلى كەزەڭ. كليماتتىق جاعدايى ۇقساس ەلدەردىڭ بارىندە ءدال وسى ۋاقىتتا ۆيرۋستىق اۋرۋلاردىڭ ءوسۋى بايقالادى. دەگەنمەن، بيىلعى جەدەل رەسپيراتورلىق ۆيرۋستىق ينفەكسيالار دەڭگەيى بىلتىرعى ماۋسىمنان جوعارى ەمەس"، - دەدى مۇراتوۆ ۇكىمەتتەگى باسپا ءسوز ءماسليحاتىندا.
ونىڭ سوزىنشە، بيىل تۇماۋ جاعدايلارى دا از تىركەلىپ جاتىر.
"كەيبىر بالالار ينفەكسيالىق اۋرۋحانالارىندا جانە ەرەسەكتەر ستاسيونارلارىندا ۋاقىتشا جۇكتەمە ارتقان. ەگەر ناۋقاستار ءبىر مەزەتتە كوپتەپ تۇسسە، جۇيەگە تۇسەتىن سالماق تا وسەدى. ءيا، ءىرى قالالاردا پاسيەنتتەر سانى كوبەيگەنى بايقالادى، ءبىراق بۇل - ەپيدەميالىق جاعداي ەمەس. بۇگىنگى تاڭدا ەلدە ەپيدەميولوگيالىق ءقاۋىپ جوق"، - دەپ سەندىردى ۆيسە-مينيستر.