مەملەكەت باسشىسىنىڭ تاپسىرماسىن ورىنداۋ ماقساتىندا باس پروكۋراتۋرا مەن باس اسكەري پروكۋراتۋرا باسشىلىعى قازا تاپقان جانە جاراقات العان اسكەري قىزمەتشىلەردىڭ انالارىن قابىلدايدى، - دەپ حابارلايدى اqshamnews.kz ءتىلشىسى.
"ولاردىڭ ءاربىر ءۋاجى نازاردان تىس قالمايدى. سونداي-اق اسكەري قىزمەتشىلەردىڭ قازا تابۋى مەن جاراقات الۋىن بولدىرماۋ جونىندەگى جۇمىستارعا، اسكەري قىزمەتكە شاقىرۋدىڭ زاڭدىلىعىنا جانە مەديسينالىق قىزمەتتىڭ قورىتىندىلارىنىڭ نەگىزدىلىگىنە باعا بەرىلەدى. وسى جۇمىسقا قورعانىس مينيسترلىگى مەن ۇلتتىق ۇلاننىڭ ورتالىق اپپاراتتارىنىڭ وكىلدەرى تارتىلدى"، – دەپ جازدى باس پروكۋرور بەرىك اسىلوۆ ح الەۋمەتتىك جەلىسىندە.
بۇعان دەيىن استانادا اسكەردە قازا تاپقان ۇلدارى ءۇشىن ميتينگكە شىققان انالاردى پوليسيا ۇستاپ اكەتكەنى حابارلاندى.
استانا قالالىق پوليسيا دەپارتامەنتى اقپاراتقا قاتىستى مالىمدەمە جاسادى.
"10 قاراشا كۇنى استانادا ازاماتتاردى قابىلداۋ ورتالىعىنىڭ ماڭىندا رۇقسات ەتىلمەگەن اكسيا ۇيىمداستىرىلعان. قاتىسۋشىلارعا زاڭ تالاپتارى بىرنەشە رەت ءتۇسىندىرىلدى جانە پروكۋراتۋرا وكىلدەرى مەن پوليسيا قىزمەتكەرلەرىمەن بىرلەسىپ، بەيبىت جيىنداردى وتكىزۋ ءتارتىبىن بۇزۋعا بولمايتىنى تۋرالى رەسمي ەسكەرتۋ جاسالدى. دەگەنمەن، قاتىسۋشىلار بۇل ەسكەرتۋلەرگە جاۋاپ بەرمەدى. سوندىقتان زاڭمەن قاراستىرىلعان شارالار قابىلداندى”، - دەلىنگەن پوليسيا حابارلاماسىندا.
پوليسيانىڭ مالىمەتىنشە، اسكەردە قازا تاپقان جانە زارداپ شەككەن ساربازداردسڭ وتباسىلارىنا قاتىسى جوق، پروۆوكاسيالىق ماقساتپەن كەلگەن بىرنەشە ازامات اكىمشىلىك جاۋاپكەرشىلىككە تارتىلعان.
"اكسياعا قاتىسقان اسكەردە قازا تاپقان جانە زارداپ شەككەن ساربازداردىڭ انالارىنا الدىن الۋ اڭگىمەسى جۇرگىزىلىپ، ولارعا زاڭ نورمالارى ءتۇسىندىرىلدى، سودان كەيىن ولار ۇيلەرىنە جىبەرىلدى”، - دەلىنگەن رەسمي حابارلامادا.