اۋدان اكىمى ءلاززات جىلقىبايەۆا وڭىرلىك كوممۋنيكاسيالار قىزمەتىنىڭ الاڭىندا مەملەكەت باسشىسىنىڭ سىرتقى جارىقتاندىرۋمەن 100% قامتۋدى قامتاماسىز ەتۋ جونىندەگى تاپسىرماسىنىڭ ورىندالۋ بارىسىن باياندادى.
اكىمنىڭ ايتۋىنشا، اۋداننىڭ باسىم باعىتىنىڭ ءبىرى – كوشەنى ۇزدىكسىز ءارى ساپالى جارىقتاندىرۋدى قامتاماسىز ەتۋ. جىل باسىنان بەرى اۋداندا جارىق بولماعان 76 جەرگە جارىق بەرىلىپ، جىلدىڭ سوڭىنا دەيىن تاعى وسىنداي 13 جەردى جارىقتاندىرۋ جوسپارلانىپ وتىر.
سىرتقى جارىقتاندىرۋدى جاڭعىرتۋ اياسىندا 56 دانا شۋنو اۋىستىرىلدى، 4340 جارىق شامى جاڭارتىلدى، 166 تىرەك ورناتىلىپ، اۋدان اۋماعىندا 47 شاقىرىمنان استام كابەل جەلىسى تارتىلدى.
بۇدان بولەك، سىرتقى جارىقتاندىرۋ قۇرىلىسىنا قاتىستى ەكى ۇلكەن جوبا ازىرلەنىپ جاتىر. بۇل جوبالار 33 كوشەنىڭ كولىك جولدارى مەن 11 تروتۋاردى، سونداي-اق ساياباق ايماقتارىن جارىقتاندىرۋدى كوزدەيدى. وسى جوبانىڭ اياسىندا 66 شاقىرىمنان استام كابەل جەلىسىن اۋىستىرىپ، 824 جارىق تىرەگىن قويىپ، 1300 شام ورناتىپ، 2900 تورشەر قويۋ جوسپارلانعان.
جوبا اياقتالۋ ساتىسىندا. قۇرىلىس-مونتاج جۇمىستارى 2026 جىلدىڭ II توقسانىنا جوسپارلانعان.
عيماراتتاردىڭ قاسبەتىن ساۋلەتتىك جارىقتاندىرۋعا دا ەرەكشە كوڭىل بولىنگەن. قازىرگى ۋاقىتتا 30 نىساندا، سونىڭ ىشىندە 21 كوپپاتەرلى تۇرعىن ءۇي مەن 9 اكىمشىلىك عيماراتتا جارىقتاندىرۋ جۇمىستارى جۇرگىزىلىپ جاتىر. 9 عيماراتتاعى جۇمىس اياقتالعان، تاعى 12-سىندە مەجەگە جەتىپ قالدى جۇمىس.
«ءبىزدىڭ ماقساتىمىز – اۋداندا جارىق پەن قاۋىپسىزدىكتى ارتتىرۋ عانا ەمەس، سونىمەن قاتار الماتىنىڭ كوشەلەرى مەن عيماراتتارىنا دا زامانعا ساي ءارى ەستەتيكالىق كەلبەت بەرۋ»، – دەپ اتاپ ءوتتى ءلاززات جىلقىبايەۆا.