وڭىرلىك كوممۋنيكاسيالار قىزمەتىندە «الماتىنىڭ سيفرلانۋى: 2026 جىلعا ارنالعان جاڭا جوبالار مەن باستامالار، سونداي-اق وتكەن جىلدىڭ قورىتىندىسى» تاقىرىبىندا باسپا ءسوز كونفەرەنسياسى بولىپ ءوتتى. سيفرلاندىرۋدى ەنگىزۋدىڭ نەگىزگى ماقساتى مەن مىندەتى، سونداي-اق قالانىڭ يننوۆاسيالىق ەكوجۇيەسىن دامىتۋ تۋرالى سيفرلاندىرۋ باسقارماسى باسشىسىنىڭ ورىنباسارى بايانداما جاسادى. ونىڭ ايتۋىنشا، سيفرلىق تەحنولوگيالار مەن جاساندى ينتەللەكت ەكونوميكانى، قالالىق ورتا مەن الماتىلىقتاردىڭ ءومىر ساپاسىن دامىتاتىن نەگىزگى قۇرالعا اينالىپ وتىر.
الماتىنىڭ يننوۆاسيالار مەن سيفرلىق ەكونوميكا سالاسىنداعى قارقىنى جاقسى. سوڭعى ۋاقىتتا قالانىڭ ستارتاپ-ەكوجۇيەسىنە 19،2 ميلليون اقش دوللارى كولەمىندە ينۆەستيسيا تارتىلىپ، ستارتاپتاردىڭ جيىنتىق كىرىسى 5،37 ميلليارد تەڭگەنى قۇراپ، شامامەن 6،9 مىڭ جۇمىس ورنى اشىلعان. سپيكەردىڭ ايتۋىنشا، بۇل كورسەتكىشتەر قالانىڭ تەحنولوگيالىق جانە كاسىپكەرلىك ورتالىق رەتىندەگى الەۋەتى جوعارى ەكەنىنە دالەل.
«الماتىنىڭ ستارتاپ پەن ينۆەستورلارعا تارتىمدى ورتالىققا اينالىپ كەلە جاتقانىن كورىپ وتىرمىز. ءبىزدىڭ مىندەتىمىز – يننوۆاسيالىق جوبالاردىڭ ءوسىپ، حالىقارالىق نارىقتارعا شىعۋىنا جانە قالا ەكونوميكاسىنا ناقتى پايدا اكەلۋىنە بارىنشا جاعداي جاساۋ»، – دەيدى مەيرام دۇيسەكوۆ.
الداعى جىلى قالا ستارتاپ-ەكوجۇيەنى ءالى دە دامىتا تۇسپەك. كەمىندە 300 جاڭا ستارتاپ-جوبا قۇرىپ، 100 ميلليون اقش دوللارىنان كەم بولمايتىن ينۆەستيسيا تارتىپ، الماتىنىڭ كەمىندە 45 ستارتاپىن حالىقارالىق نارىقتارعا شىعارۋ جوسپارلانىپ وتىر. سونىمەن قاتار، كەمىندە 100 ادام حالىقارالىق باعدارلامالار مەن سالالىق كونفەرەنسيالارعا قاتىسا الادى، بۇل قالانىڭ جاھاندىق يننوۆاسيالىق قاۋىمداستىققا كىرىگۋىن كۇشەيتەدى.
ادام كاپيتالىن دامىتۋعا ەرەكشە كوڭىل ءبولىنىپ وتىر. 2026 جىلى Alatau Creative Hub بازاسىندا 12–18 جاس ارالىعىنداعى جاسوسپىرىمدەرگە ارنالعان تەگىن قوسىمشا ءبىلىم بەرەتىن حالىقارالىق TUMO ورتالىعى اشىلادى. وندا سەگىز باعىت بويىنشا وقىتپاق، ولاردىڭ قاتارىندا گەنەراتيۆتى جاساندى ينتەللەكت، روبوتوتەحنيكا، ۆەب-ازىرلەۋ مەن انيماسيا بار. بۇل مەكتەپ وقۋشىلارىنا زاماندىق سيفرلىق داعدىلاردى مەڭگەرىپ، بولاشاق ماماندىعىن تاڭداۋعا مۇمكىندىك بەرەدى.
ورتالىق ازيادا العاش رەت الماتى قالاسىندا حالىقارالىق GITEX فورۋمىنىڭ وتكىزىلۋى 2026 جىلدىڭ باستى وقيعانىڭ ءبىرى بولدى. فورۋم 4–5 مامىر كۇندەرى «اتاكەنت» ورتالىعىندا وتەدى. وعان 30 مىڭنان استام ادام، 2 مىڭ ستارتاپ، 1 500 ينۆەستور مەن 100 مەملەكەتتىك ۇيىم قاتىسادى. سالىستىرساق، دۋبايدا GITEX فورۋمىن وتكىزۋدىڭ ەكونوميكالىق اسەرى 700 ميلليون اقش دوللارىنا دەيىن جەتەدى، جانە باسپا ءسوز كونفەرەنسياسىندا ايتىلعانداي، الماتى دا ىسكەرلىك جانە يننوۆاسيالىق بەلسەندىلىكتى دامىتۋعا وسىنداي سەرپىن الۋدى كوزدەپ وتىر.
سيفرلاندىرۋ مادەنيەت، تۋريزم مەن سپورت سالاسىن دا قامتىپ وتىر. قالادا Almaty Pass جانە damubala.kz پلاتفورماسى جۇمىس ىستەيدى، «مەتەور» جۇيەسى ىسكە قوسىلعان، سونداي-اق ءبىرىڭعاي كىتاپحانا پورتالىنا قولجەتىمدىلىك قامتاماسىز ەتىلگەن. كوپتىلدى سيفرلىق گالەرەيالار، AR جانە VR تەحنولوگياسىن قولداناتىن عىلىم مۋزەيى جوباسرى جۇزەگە اسا باستادى. بۇل شەشىمدەر مادەني جانە تۋريستىك سەرۆيستى اناعۇرلىم قولجەتىمدى ەتەدى.
2026–2027 جىلدارعا ارنالعان جوسپارلار اياسىندا كولىك، قاۋىپسىزدىك جانە الەۋمەتتىك قىزمەتتەر سالالارىندا ازاماتتاردى قولداۋعا ارنالعان ينتەللەكتۋالدى داۋىس جانە ماتىندىك بوتتاردى ىسكە قوسۋ، سونداي-اق الماتىدا BLAST حالىقارالىق ءتۋرنيرىن وتكىزۋ كوزدەلىپ وتىر. نەگىزگى تيىمدىلىك كورسەتكىشتەرى رەتىندە سيفرلىق كونتەنت ۇلەسىن 80 پايىزعا جەتكىزۋ جانە سپورت ۇيىمدارىنىڭ 60 پايىزىن جاتتىعۋ پروسەسىن مونيتورينگتەۋ مەن تالداۋعا ارنالعان سيفرلىق پلاتفورمالارعا قوسۋ جوسپارلانعان.
قالالىق سەرۆيستەردى سيفرلىق ترانسفورماسيالاۋ دا قولعا الىندى. ءقازىر الماتىدا مەملەكەتتىك قىزمەتتەردىڭ 98 پايىزى سيفرلاندىرىلعان. Open Almaty قوعامدىق قابىلداۋ بولمەسى مەن وڭىرلىك گەواقپاراتتىق جۇيە جۇمىس ىستەپ تۇر، ولار تۇرعىندارعا اقپارات الۋدى ىڭعايلى ەتىپ، قالالىق پروسەستەردى جەدەل باسقارۋعا مۇمكىندىك جاسايدى.
2026–2027 جىلدارى سيفرلاندىرىلعان مەملەكەتتىك قىزمەتتەردىڭ ۇلەسىن 98،5 پايىزعا دەيىن ارتتىرۋ جوسپارلانعان. سونىمەن قاتار، اكىمدىكتىڭ بيزنەس-پروسەستەرى مەن اقپاراتتىق جۇيەلەرىنە اۋديت جۇرگىزىلىپ، ىشكى پورتالعا ERP ونىمدەرى مەن جاساندى ينتەللەكت قۇرالدارى ەنگىزىلەدى. جەكە باعىت رەتىندە قالالىق دەرەكتەردى ساقتاۋ مەن اقپاراتتاندىرۋ پروسەستەرىن ءبىرىڭعاي بۇلتتى دەرەكتەردى وڭدەۋ ورتالىعى اياسىندا ورتالىقتاندىرۋ كوزدەلگەن.
«سيفرلاندىرۋ مەن جاساندى ينتەللەكت – بۇل ءوز الدىنا ماقسات ەمەس. بۇل – قالا تۇرعىندارىنىڭ ءومىر ساپاسىن ارتتىرۋدىڭ، باسقارۋدىڭ اشىقتىعىن قامتاماسىز ەتىپ، الماتىنى تۇراقتى داماتىن قۇرال»، – دەپ تۇيىندەدى مەيرام دۇيسەكوۆ.