2026 جىلعى 4 اقپاندا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ، باس پروكۋراتۋرانىڭ ۇيلەستىرۋىمەن قارۋ-جاراقتى زاڭسىز وتكىزۋ مەن ساقتاۋ، قورقىتىپ الۋ، ۇرلانعان اۆتوكولىكتى زاڭداستىرۋ جانە وزگە دە قىلمىستارعا قاتىسى بار قىلمىستىق توپتاردىڭ ارەكەتىن توقتاتۋعا باعىتتالعان ارنايى وپەراسيا جۇرگىزدى، دەپ حابارلايدى Aqshamnews.kz ءتىلشىسى.
ءىس-شارالار ءبىر مەزگىلدە الماتى، شىمكەنت قالالارىندا، سونداي-اق اقتوبە، الماتى، شىعىس قازاقستان، جامبىل وبلىستارىندا جانە اباي مەن جەتىسۋ وبلىستارىندا ءوتتى. ناتيجەسىندە 20 ادام ۇستالىپ، ولاردىڭ 10-ى ۋاقىتشا ۇستاۋ يزولياتورىنا قامالدى.
ءتىنتۋ بارىسىندا كۇدىكتىلەردەن اتىس قارۋى مەن وق-دارىلەر، ەسىرتكى زاتتارى، ءىرى كولەمدەگى اقشا قاراجاتتارى جانە وزگە دە زاتتاي دالەلدەمەلەر تاركىلەندى. قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلۋدە.
قپك-نىڭ 201-بابىنا سايكەس وزگە اقپارات جاريا ەتىلمەيدى.