«الماتى قالاسى ءبىلىم باسقارماسى» كمم مەملەكەتتىك ءبىلىم بەرۋ ۇيىمدارىنىڭ باسشىلارىنىڭ بوس لاۋازىمدىق ورىندارىنا كونكۋرس جاريالادى. بايقاۋ اياسىندا اۋەزوۆ، جەتىسۋ جانە مەدەۋ اۋداندارىنداعى 6 مەكتەپ پەن مامانداندىرىلعان ليسەي-گيمنازياعا ديرەكتور قابىلدانادى، - دەپ حابارلايدى aqshamnews.kz ءتىلشىسى.
قانداي ۇيىمدارعا باسشى قاجەت؟
-
№122 جالپى ءبىلىم بەرەتىن مەكتەپ (اۋەزوۆ اۋدانى، 3 ىقشام اۋدانى، 52 ءۇي) – نەگىزگى جانە جالپى ورتا ءبىلىم بەرۋ، 1999 جىلدان بەرى جۇمىس ىستەيدى.
-
№126 مامانداندىرىلعان ليسەي (اۋەزوۆ اۋدانى، اقساي-4، 66 ءۇي) – نەگىزگى جانە جالپى ورتا ءبىلىم بەرۋ، 1999 جىلدان بەرى جۇمىس ىستەيدى.
-
№66 جالپى ءبىلىم بەرەتىن مەكتەپ (جەتىسۋ اۋدانى، كازاكوۆا كوش.، 6 ءۇي) – نەگىزگى جانە جالپى ورتا ءبىلىم بەرۋ، 1999 جىلدان بەرى جۇمىس ىستەيدى.
-
№112 جالپى ءبىلىم بەرەتىن مەكتەپ (جەتىسۋ اۋدانى، راتۋشنوگو كوش.، 131 ءۇي) – نەگىزگى جانە جالپى ورتا ءبىلىم بەرۋ، 1996 جىلدان بەرى جۇمىس ىستەيدى.
-
شوقان ءۋاليحانوۆ اتىنداعى №12 مامانداندىرىلعان گيمنازيا (مەدەۋ اۋدانى، ۋاليحانوۆ كوش.، 79 ءۇي) – نەگىزگى جانە جالپى ورتا ءبىلىم بەرۋ، 1999 جىلدان بەرى جۇمىس ىستەيدى.
-
№77 جالپى ءبىلىم بەرەتىن مەكتەپ (مەدەۋ اۋدانى، جۋكوۆ كوش.، 140 ءۇي) – نەگىزگى جانە جالپى ورتا ءبىلىم بەرۋ، 1999 جىلدان بەرى جۇمىس ىستەيدى.
ەڭبەكاقى مولشەرى
لاۋازىمدىق جالاقى جۇمىس وتىلىنە قاراي 202 807 تەڭگەدەن 245 988 تەڭگەگە دەيىن.
ۇمىتكەرگە قويىلاتىن نەگىزگى تالاپتار
كونكۋرسقا قاتىسۋشىدا:
-
جوعارى (نەمەسە جوعارى وقۋ ورنىنان كەيىنگى) پەداگوگيكالىق ءبىلىم نەمەسە پەداگوگيكالىق قايتا دايارلاۋ تۋرالى قۇجات؛
-
پەداگوگيكالىق جۇمىس ءوتىلى كەمىندە 5 جىل، ونىڭ ىشىندە سوڭعى 2 جىل ۇزدىكسىز؛
-
باسشى ورىنباسارى نەمەسە ورتا ءبىلىم بەرۋ ۇيىمى باسشىسى لاۋازىمىندا كەمىندە 2 جىل تاجىريبە؛
نەمەسە ءتيىستى بىلىكتىلىك ساناتتارىنىڭ ءبىرى (پەداگوگ–ساراپشى/زەرتتەۋشى/شەبەر، نە باسشىنىڭ ورىنباسارىنىڭ ساناتتارى، نە باسشى-ۇيىمداستىرۋشى/مەنەدجەر/كوشباسشى ساناتتارى) بولۋى قاجەت.
مامانداندىرىلعان ۇيىم باسشىلارى ءۇشىن (ليسەي/گيمنازيا): قوسىمشا تۇردە وليمپيادا، كونكۋرس، سپورتتىق جارىستاردىڭ جۇلدەگەرلەرى مەن جەڭىمپازدارىن دايىنداۋ تاجىريبەسى بار ۇيىمداردا باسشىلىق/ورىنباسارلىق قىزمەت ءوتىلى كورسەتىلگەن.
قۇجاتتار ءتىزىمى (قىسقاشا)
كونكۋرسقا قاتىسۋ ءۇشىن مىنالار تاپسىرىلادى:
- ءوتىنىش (نىسان بويىنشا)؛
- جەكە كۋالىك (كوشىرمە/سيفرلىق قۇجات)؛
- كادرلاردى ەسەپكە الۋ جونىندەگى جەكە پاراق + فوتو؛
- ديپلوم كوشىرمەسى؛
- ەڭبەك قىزمەتىن راستايتىن قۇجات كوشىرمەسى؛
- 075/ۋ نىسانىنداعى دەنساۋلىق انىقتاماسى؛
- پسيحيكالىق مىنەز-قۇلىق بۇزىلىستارى بويىنشا ديناميكالىق باقىلاۋدا جوقتىعى تۋرالى انىقتاما؛
- ناركولوگيالىق باقىلاۋدا جوقتىعى تۋرالى انىقتاما؛
- سەرتيفيكاتتاۋدان وتكەنى تۋرالى سەرتيفيكات؛
- قازتەست / QAZAQ RESMI TEST سەرتيفيكاتى (ۆ1 دەڭگەيىنەن تومەن ەمەس)؛
- تۇيىندەمە؛
- بىلىكتىلىك ساناتىن بەرۋ/راستاۋ تۋرالى كۋالىك.
قاجەت بولعان جاعدايدا كانديدات كاسىبي جەتىستىكتەرى، بىلىكتىلىگىن ارتتىرۋ، عىلىمي-زەرتتەۋ، ماراپاتتارى، جەكە پەداگوگيكالىق تاجىريبەسى مەن تيىمدىلىك كورسەتكىشتەرى تۋرالى ماتەريالداردى قوسىمشا ۇسىنا الادى.
كونكۋرس قاشان جانە قايدا وتەدى؟
-
وتكىزۋ ورنى: «الماتى قالاسى ءبىلىم باسقارماسى» كمم، الماتى قالاسى، رەسپۋبليكا الاڭى، 4.
-
ءوتىنىم قابىلداۋ مەرزىمى: حابارلاندىرۋ بۇقارالىق اقپارات قۇرالدارىنىڭ رەسمي باسىلىمدارىندا («الماتى اقشامى»، «ۆەچەرنيي الماتى») جانە edualmaty.kz سايتىندا جاريالانعان ساتتەن باستاپ 7 جۇمىس كۇنى ىشىندە.
قۇجات تاپسىرۋ مەكەنجايى
قاجەتتى قۇجاتتار: الماتى قالاسى، رەسپۋبليكا الاڭى، 4 (الماتى قالاسى ءبىلىم باسقارماسى) مەكەنجايىنا تاپسىرىلادى.
ەلەكتروندى پوشتا: service.ok.2@mail.ru