سولتۇستىك قازاقستان وبلىسى ع.مۇسىرەپوۆ اۋدانىندا ۇيگە ورناتىلعان ءتۇتىن داچيگى ءورت ءقاۋپىن دەر كەزىندە بايقاتىپ، 88 جاستاعى اجەيدىڭ ءومىرىن ساقتاپ قالدى، دەپ حابارلايدى Aqshamnews.kz ءتىلشىسى.
وقيعا نوۆويشيمسكوە اۋىلىنداعى جەكە تۇرعىن ۇيدە بولعان. پەش ۇستىندە قاراۋسىز قالعان ماي قۇيىلعان تابا ورتكە سەبەپ بولۋى مۇمكىن ەدى. ءدال وسى ساتتە ەكى جىل بۇرىن ورناتىلعان ءتۇتىن داچيگى دابىل قاعىپ، كىر جۋىپ جۇرگەن ءۇي يەسىنە ءقاۋىپ تۋرالى ۋاقىتىلى حابار بەرگەن.
ق ر تجم مالىمەتىنشە، وقيعا ورنىنا جەدەل جەتكەن ءورت ءسوندىرۋ جاساعى ءورتتىڭ ۇلعايۋىنا جول بەرمەي، ادامداردىڭ ومىرىنە ءقاۋىپ ءتونۋىنىڭ جانە مۇلىككە زيان كەلۋىنىڭ الدىن العان.